Մարտունիում հայտնաբերված քոթոթը տեղափոխվել է փրկարար կենտրոն, Շախմատի ՀՀ թիմը հաղթել է Լեհաստանին, ըմբիշ Ջանես Նազարյանը՝ ոսկե մեդալակիր, շաբաթվա լավ լուրերը
ԵՐԵՎԱՆ, 1 օգոստոսի․/Նովոստի-Արմենիա/․ Ներկայացնում ենք նախորդ շաբաթվա (հուլիսի 27–31–ը) լավ լուրերի ընտրանին։
Եվ այսպես․․․
Հայաստանի Մ-17 հավաքականի ըմբիշները 3 հաղթանակ են տարել Բաքվում մեկնարկած Աշխարհի առաջնությունում
2 ըմբիշ Բաքվում ընթացող Մ-17 Աշխարհի առաջնությանը նվաճել են քառորդ եզրափակչի ուղեգիր
Հունահռոմեական ոճի ըմբիշ Արարատ Ավետիսյանը բրոնզե մեդալ է նվաճել Բաքվում անցկացվող Մ–17 աշխարհի առաջնությունում
Ըմբշամարտիկ Գևորգ Հարությունյանը դարձել է Մ-17 տարեկանների ԱԱ բրոնզե մեդալակիր։
Հուլիսի 20-26-ը Էստոնիայում անցկացված շարժվող թիրախ մրցաձևի աշխարհի առաջնությունում ՀՀ Հրաձգության հավաքականի անդամները նվաճել են 9 մեդալ (5 ոսկե, 1 արծաթե և 3 բրոնզե)։
Ջանես Նազարյանը ոսկե մեդալ է նվաճել Բաքվում ընթացող Մ-17 տարեկանների ըմբշամարտի Աշխարհի առաջնությանը։
Շախմատի Եվրոպայի մինչև 18 տարեկան պատանիների թիմային առաջնության 4-րդ խաղափուլում Հայաստանի թիմը 2.5:1.5 հաշվով հաղթել է Լեհաստանի թիմին։
Մարտունի քաղաքում հայտնաբերված արջի քոթոթը տեղափոխվել է Վայրի կենդանիների փրկարար կենտրոն։
Որպես անհետ կորած որոնվող 14 տարեկան Վահե Ապիկյանը հայտնաբերվել է։
Հայ ըմբիշ Էրիկ Պապիկյանը 9-1 հաշվով հաղթել է ադրբեջանցի Ռաշիդ Նազարովին։
Ազատ ոճի ըմբիշ Դավիթ Բալեյանը դուրս է եկել Բաքվում անցկացվող Մ–17 աշխարհի առաջնության կիսաեզրափակիչ։
Ըմբիշ Գևորգ Հարությունյանն արմունկի կոտրվածքով շարունակել է պայքարը Բաքվում ու Աշխարհի առաջնության բրոնզե մեդալ նվաճել։
Շախմատի Եվրոպայի մինչև 18 տարեկան պատանիների թիմային առաջնության 6-րդ խաղափուլում Հայաստանի թիմը 2.5:1.5 հաշվով հաղթել է Իսրայելի թիմին:
