Նախորդ շաբաթվա կարևոր նորությունների հնգյակը

ԵՐԵՎԱՆ, 22 նոյեմբերի. /Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա (ապրիլի 17–21) կարևոր նորությունների հնգյակը։

• Նախորդ շաբաթ Գյումրու 102–րդ ռուսական ռազմաբազայից զինծառայող էր կորել։ Միաժամանակ ՌԴ ՊՆ–ն հաստատեց ռուս զինծառայողի կորուստը։ Հայտնի դարձավ նաև, որ զինծառայողի անունն է Դմիտրի Լոշմանով։ ՀՀ ոստիկանությունն իր հերթին հետախուզումհայտարարեց Լոշմանովի նկատմամբ։ Իրականացվեցին որոնողական աշխատանքներ։ Ապրիլի 19–ի երեկոյան հայտնի դարձավ, որ Լոշմանովը գտնվել է Գյումրու «Մուշ» թաղամասի բնակարաններից մեկում և բերման է ենթարկվել Գյումրու ոստիկանության «Մուշ» բաժանմունք: Միաժամանակ հայտնի դարձավ, որ Գյումրիի ռուսական 102–րդ ռազմակայանի պայմանագրային զինծառայող Դմիտրի Լոշմանովը մի քանի օր եղել է մերկապարուհու տանը։

• Հարուցվել է քրեական գործ պայմանագրային զինծառայողի մահացու հրազենային վիրավորում ստանալու դեպքի առթիվ։Նախնական տվյալներով, Նարեկ Հակոբյանը կյանքի հետ անհամատեղելի մարմնական վնասվածք է ստացել է 2017 թվականի ապրիլի 21-ին՝ ժամը 10:25-ի սահմաններում Վայոց Ձորում կազմակերպված ճամբարային հավաքների ժամանակ N զորամասի 6-րդ վաշտի պայմանագրային զինծառայող, կրտսեր սերժանտի կողմից ինքնաձիգը մաքրելիս զենքի հետ վարվելու կանոնները խախտելու հետևանքով առաջացած կրակոցից։ Միաժամանակ հայտնի դարձավ, որ մահացած զինծառայողը ամուսնացած էր և ուներ մեկ տարեկան դուստր;

• Հայաստանի սամբիստները 14 մեդալ են նվաճել Եվրոպայի առաջնությունում։

• ՀՀ վարչապետ Կարեն Կարապետյանը հինգշաբթի կառավարության նիստի ժամանակ առաջարկել է արգելված վայրերում աղբ նետելու համար քրեական պատասխանատվություն սահմանել։

• Վերաքննիչ քրեական դատարանը մերժել է Լեռնային Ղարաբաղի պաշտպանության նախկին նախարար Սամվել Բաբայանի խափանման միջոցը՝ կալանքը փոխելու դիմումը:–0–