ԵՐԵՎԱՆ, 14 հունվարի. /Նովոստի-Արմենիա/. Facebook ընկերության մասնագետները GitHub պորտալում հրապարակել են խմբային չատերի գաղտնագրման նոր արձանագրությունը, որը ստացել է Asynchronous Ratcheting Tree (ART) անվանումը:
Ինչպես հայտնում է
securitylab.ru-ն, հետազոտողների խոսքով, ART-ում լուծվել են WhatsApp, Facebook Messenger, Signal հավելվածներում անվտանգության առկա խնդիրները:
Загружается новость ...
"Право"
Մասնագետները նշում են, որ թեև երկու զրուցակիցների նամակագրության մեջ հաղորդագրությունների գաղտնագրումը տվյալ հավելվածներում իրականացվում է բավականին բարձր մակարդակով, խմբային չատերի գաղտնագրման ֆունկցիաները լրամշակելու կարիք են զգում: Վարկաբեկելով խմբային նամակագրության մասնակիցներից մեկին` չարագործը կարող է «փախցնել» հաղորդագրություններն անսահմանափակ ժամանակի ընթացքում:
Արձանագրությունն օգտագործում է asymmetric prekeys (ասիմետրիկ բանալիներ) մոդելը, որը թույլ է տալիս բաժանորդներին ստանալ պաշտպանված խմային բանալիներ: Բացի այդ, արձանագրությունում օգտագործվում է կարգավորման մեկանգամյա ասիմետրիկ բանալի, որի օգնությամբ խմբի ադմինիստրատորը կարել է խումբ ստեղծելիս փակ բանալիներ գեներացնել խմբային չատի բոլոր մասնակիցների համար:
Ինչպես նշում են փորձագետները, ART-ն թույլ է տալի պաշտպանված խմբային նամակագրություն վարել, նույնիսկ եթե դրա մասնակիցներից մեկն ամբողջությամբ վարկաբեկվել է:
ART-ն հրապարակվել է նրանից հետո, երբ ԱՄՆ Հետաքննության դաշնային բյուրոյի տնօրեն Քրիսթոֆեր Ռեյը հայտնել է բջջային սարքերում գաղտնագրման պատճառով գերատեսչության ունեցած խնդիրների մասին: -0-