Սպիտակուցային դիետա. օգու՞տ, թե՞ վնաս

ԵՐԵՎԱՆ, 29 մարտի./Նովոստի–Արմենիա/. Ավելորդ քաշից ազատվելու հարցում կարևոր դեր է խաղում սպիտակուցը։

Քաշը կարգավորվում է գլխուղեղի բաժնի կողմից, որը կոչվում է հիպոթալամուս, որի բազմիթ հորմոններ արտազատվում են` որպես արձագանք սննդի նկատմամբ։ Սպիտակուց օգտագործելու դեպքում ավելանում է հորմոնների մակարդակը, որոնք նվազեցնում են ախորժակը։ Սպիտակուցների բարձր պարունակությամբ դիետան նվազեցնում է այն հորմոնների մակարդակը, որոնք առաջացնում են քաղցի զգացում, գրում է medikforum.ru–ն։

Մեծ քանակի սպիտակուցի օգտագործումը դրական է ազդում քաշի նվազման վրա, օգնում է այրել կալորիաները, արագացնում է նյութափոխանակությունը` ստիպելով այրել ավելի շատ կալորիաներ անգամ քնի ժամանակ։

Ուսումնասիրությունները ցույց են տվել, որ սպիտակուցների բարձր պարունակությամբ դիետաներն օգնում են օրգանիզմին այրել օրական 80–100 կկալ։

Նիհարելու համար լավագույն սպիտակուցային մթերքներն են ոլոռը, ոսպն ու լոբին, որոնք սպիտակուցի և այլ սննդարար նյութերի` հատկապես կալիումի և սննդային թելիկների հիանալի աղբյուր են։

Ձուն ևս սպիտակուցի հիանալի աղբյուր է։ Մեծ ձվի սպիտակուցի օգտագործման արդյունքում օրգանիզմը ստանում է ընդամենը 17 կկալ։

Թռչնամիսն ու ծովամթերքը` հավը, հնդկահավը, ձողաձուկն ու թյուննոսը, հիանալի տարբերակ են նիհարելու համար։ Դրանք կարող են ապահովել ընդամենը 18–27 գրամ մեկ մասնաբաժնի դեպքում։ Թռչնամսից և ծովամթերքից պատրաստված ճաշատեսակների մեծ մասը պարունակում է կարևոր սննդանյութեր` երկաթ, ցինկ և B12 վիտամին։

Սպիտակուցների բարձր պարունակությամբ դիետաները կարող են հանգեցնել բարդությունների, եթե սննդարար նյութերի քանակը չափազանց սահմանափակ է։ Որպեսզի դիետան իսկապես օգտակար լինի առողջությանը, հետևեք, որ սննդակարգում լինի մեծ քանակի բանջարեղեն, բջջանյութ և օգտակար ճարպեր։–0–