Նուբար Աֆեյանի ընկերության՝ COVID-19-ի դեմ պատվաստանյութն արդյունավետ է համարվել

ԵՐԵՎԱՆ, 17 նոյեմբերի./Նովոստի-Արմենիա/. Առողջապահության համաշխարհային կազմակերպությունը (ԱՀԿ) հուսադրող է համարում ամերիկյան Moderna ընկերության կորոնավիրուսի պատվաստանյութի վերաբերյալ տեղեկությունները: Այս մասին երկուշաբթի օրը ճեպազրույցում հայտարարել է կազմակերպության գլխավոր գիտաշխատող Սումյա Սվամինատանը, հայտնում է ՏԱՍՍ-ը:

Moderna ընկերության սեփականատերը ամերիկաբնակ հայազգի բիզնեսմեն Նուբար Աֆեյանն է:

«Մենք վերջերս ենք ծանոթացել մամլո հաղորդագրության հետ, որում հաղորդվում է, որ նոր պատվաստանյութն ավելի քան 90% արդյունավետություն ունի: Իհարկե, մեզ անհրաժեշտ է սպասել վերջնական տվյալներին, սակայն ընդհանուր առմամբ, տեղեկատվությունը հուսադրող է»,- հայտնել է գիտաշխատողը:

Միաժամանակ, ըստ նրա, որոշ ժամանակ կպահանջվի ԱՀԿ պատվաստանյութի հաստատման համար: Մասնավորապես, կազմակերպությունը պետք է վերանայի տվյալները կլինիկական փորձարկումների երրորդ փուլի ավարտից հետո` համոզվելու համար, որ պատվաստանյութ ստացողները չունեն կողմնակի ազդեցություններ չունեն:

 

Երկուշաբթի Moderna ամերիկյան ընկերությունը հայտարարել է, որ փորձարկումների երրորդ փուլի ընթացքում, որին մասնակցել է 30 հազար մարդ, իր պատվաստանյութը ցույց է տվել 94,5% արդյունավետություն: Ընկերությունը նախատեսում է հաջորդ շաբաթ դիմում ներկայացնել ԱՄՆ Սննդի և դեղերի վարչություն (FDA-)` դեղն օգտագործելու թույլտվություն ստանալու համար: - 0 -