Անլար ականջակալները կարող են վտանգավոր լինել մարդու առողջության համար․ պարզաբանում է փորձագետը

ԵՐԵՎԱՆ, 23 օգոստոսի․ /Նովոստի-Արմենիա/․ Bluetooth ականջակալները կարող են մեծ վտանգ ներկայացնել մարդու համար, քանի որ էլեկտրամագնիսական ալիքներ են արձակում անմիջապես ուղեղի մոտ։ Առաջին հերթին դա վերաբերում է որակյալ ականջակալների կրկնօրինակներին։ Գրում է rg.ru-ն

Այս մասին հայտնել է Պլեխանովի անվան ՌԷՀ-ի ինֆորմատիկայի ամբիոնի դոցենտ Ալեքսանդր Տիմոֆեևը։ Նրա խոսքով, եթե ենթադրենք, որ ռադիոալիքներն իրենց աշխատանքի համար էլեկտրամագնիսական հիմք ունեն, ապա վնաս միանշանակ կա: Մարդկանց մոտ նյարդային համակարգի գործունեությունը նույնպես ունի էլեկտրամագնիսական հոսանքներ, և բնության մագնիսական տատանումներից տառապող անձանց թիվը միայն աճում է, ասել է փորձագետը «Прайм» գործակալությանը։

 Տիմոֆեևը շեշտել է, որ ամենալուրջ վտանգը ականջակալների անորակ պատճենների զանգվածային տարածումն է: Հենց նրանցից են տառապում լսողությունը և առողջությունը: -0-