Samsung–ը պաշտոնապես ներկայացրել է Galaxy J2 Pro սմարթֆոնը

ԵՐԵՎԱՆ, 13 հունվարի. /Նովոստի Արմենիա/. Samsung ընկերությունը Վիետնամում առանց ավելորդ աղմուկի ներկայացրել է 2018 թվականի բյուջետային Galaxy J2 Pro սմարթֆոնը: Հեռախոսն առաջարկվում է սև, կապույտ և ոսկեգույն տարբերակներով, գինը մոտ 145 դոլար է:

Ինչպես հայտնում է ferra.ru-ն, սմարթֆոնն ունի 5 դյույմանոց Super AMOLED դիսփլեյ` qHD (540 x 960 պիքսել) կետայնությամբ, հիմնական տեսախցիկը 8 ՄՊ է, դիմայինը` 5 ՄՊ: Հեռախոսը զինված էթ8 միջուկային պրոցեսորով` 1,4 ԳՀց հաճախականությամբ ու 16 ԳԲ ներքին հիշողությամբ` մինչև 256 ԳԲ ավելացնելու հնարավորությամբ:

Հեռախոսն ունի Wi-Fi (802.11 b/g/n) ու Bluetooth 4.2, իսկ NFC և մատնահետքի սկաներ նախատեսված չէ: Չափսերն են` 143,8 x 72,3 x 8,4 մմ, քաշը` 153 գրամ: Հեռախոսն աշխատում է Android 7.0 Nougat օպերացիոն համակարգով:-0-