Google-ի թարգմանիչը կկարողանա խոսել օգտատիրոջ ձայնով

ԵՐԵՎԱՆ, 19 մայիսի. /Նովոստի-Արմենիա/. Google ընկերությունն իր բլոգում ներկայացրել է նոր թարգմանիչը, որն ուղղակիորեն կկարողանա թարգմանել մի լեզվից մյուսը՝ պահպանելով խոսողի ձայնը և թեմբրը: Այդ մասին հայտնում է rg.ru-ն:

Մշակված ալգորիթմի օգնությամբ երկար կարճաժամկետ հիշողությամբ նեյրոցանցը կընդունի խոսողի ձայնը և կմշակի այն որպես սպեկտոգրամ, ինչից հետո կգեներացնի նոր սպեկտագրամ` անհրաժեշտ լեզվով:

Ընդ որում, թարգմանված խոսքը կհնչի խոսողի ձայնով, սակայն որոշ չափով կմնա «ռոբոտացված»:

Google-ը հրաժարվել է Google Translate-ի միջոցով խոսքի թարգմանությունից և նրա հնչունավորումից, քանի որ այդ մեթոդը առաջացնում է բազմաթիվ սխալներ: Նոր տեխնոլոգիայի կիրառումը թույլ է տալիս ստանալ ավելի արագ թարգմանություն՝ խոսքի որևէ մասի կորցնելու ավելի քիչ հավանականությամբ:-0-