ԵՐԵՎԱՆ, 30 հունիսի./Նովոստի–Արմենիա/. Չինաստանի մի քանի ֆերմաներում միկրոկենսաբանները գտել են խոզի գրիպի նոր շտամ, որում առկա մուտացիաների հետևանքով շտամը փոխանցվում է մարդուց մարդուն։
Загружается новость ... "Лево"
Ուսումնասիրությունը հրապարակվել է Proceedings of the National Academy of Sciences գիտական ամսագրում, հաղորդում է
ՏԱՍՍ–ը։
«G4 վիրուսն ունի պաթոգենի բոլոր բնութագրերը, որը կարող է առաջացնել գրիպի նոր համավարակ։ Իր պրոֆիլով այն տարբերվում է գրիպի ժամանակակից սեզոնային շտամերից և կարող է փոխանցվել մարդուց մարդուն։ Միաժամանակ այն ունի H1N վիրուսին բնորոշ բոլոր գծերը, որն առաջացրել էր խոզի գրիպի գլոբալ համավարակ 2009թ.–ին», – գրում են գիտնականները։
Նախորդ տասնամյակի վերջում աշխարհում գրանցվել է թռչնի և խոզի գրիպի բռնկումներ, որոնց հետևանքով մահացել է մի քանի հազար մարդ։ Եվ բժիշկներն ու կենսաբանները եկել են եզրահանգման, որ մարդկությանը կարող է սպառնալ գրիպի նոր համավարակ, որն իր մասշտաբներով նման է իսպանական գրիպի համաճարակին, որը XX դարի առաջին կեսին դարձավ միլիոնավոր մահերի պատճառ։
Գրիպի նման համաճարակներ դեռևս տեղի չեն ունեցել մի պարզ պատճառով. խոզի և թռչնի գրիպները դեռևս չեն կարողանում տարածվել օդակաթիլային ճանապարհով և արագ փոխանցվել մարդուց մարդուն։–0–