Երաժշտություն կարանտինի ժամանակ կամ առաքումով Coldplay. ներկայացնում ենք առցանց համերգների հարթակներ (ՎԻԴԵՈ)

ԵՐԵՎԱՆ, 30  մարտի./Նովոստի–Արմենիա/. Անդադար բացասական լուրերից ցրվելու և կյանքը մի փոքր գունեղ դարձնելու լավագույն միջոցը երաժշտությունն է, ունկնդրեք երաժշտություն #անտիկորոնավիրուս բաժնում։

Մենք, ցավոք, հիմա չենք կարող գնալ համերգ, սակայն այս հարցում օգնության է հասնում վիրտուալ իրականությունը։ Նման իրավիճակում համացանցում հասանելի են համերգների բազմաթիվ ուղիղ հեձարձակումներ, երաժիշտների ելույթներ և անգամ առցանց փառատոներ։

Հատուկ ձեզ համար ներկայացնում ենք երաժշտական event–ներ, որոնք կարելի է այցելել առանց տնից դուրս գալու։

Aleeque Sessions

The Basement–ը ներկայացնում է նոր նախագիծ` Aleeque Sessions, որի շրջանակում երկու դիջե ամեն շաբաթ նվագելու են սեթեր դատարկ ակումբում, իսկ ռեյվին կարելի է միանալ ուղիղ եթերում, որը հեռարձակվելու է Facebook–ով։

Stay. առցանց համերգների հարթակ

Սանկտ Պետերբուրգում և Մոսկվայում գործարկվել է առցանց համերգների համար նախատեսված հարթակ` Stay, որտեղ արտիստը կարող է համերգ կազմակերպել, իսկ տարածմամբ և սթրիմինգով կզբաղվեն հարթակի մշակողները։ Stay–ում նախօրեին կազմակերպվել է «Хадн дадн» խմբի համերգը, իսկ մարտի 31–ին Երևանի ժամանակով ժամը 21։00–ին ելույթ կունենա Masha Hima–ն։ Համերգի տոմսերը կարելի   է ձեռք բերել 200–250 ռուբլով։

Առաքումով համերգներ

«Новое радио»–ն Վկոնտակտե սոցցանցի հետ համատեղ գործարկել է երաժշտական մարաթոն` ռուս հայտնի կատարողների մասնակցությամբ։ Zivert–ի, IOWA–ի, Uma2rman–ի, Ёлка–ի, MARUV–ի և շատ այլ արտիստների ելույթներ կարելի է դիտել ռադիոյի VK–ի էջում կամ stayhome.newradio.ru կայքում։

Stay at home Fest

Stay at home Fest-ը միջազգային օնլայն փառատոն է, որի ժամանակացույցն ամեն օր թարմացվում է՝ համալրվելով ողջ աշխարհի կատարողների ելույթներով։ Փառատոնի շրջանակում տեղի ունեցող համերգներին և այլ միջոցառումներին կարելի է հետևել կայքում։

Death Cab for Cutie-ի ամենօրյա ակուստիկ համերգներ

Death Cab for Cutie ռոք խմբի մենակատար Բեն Գիբարդն ամեն օր ակուստիկ համերգ է տալիս խմբի Facebook-յան էջում կազմակերպվող ուղիղ եթերով։ Սպասվում են հանդիսատեսի պատվերով երգեր, խմբի սիրելի հիթերը և հաճելի ընտանեկան միջավայր։

Բոնուս

Խորհուրդ ենք տալիս հետևել սիրելի կատարողներին սոցցանցերում, քանի որ կարանտինի ժամանակ աստղերը հաճախ ուղիղ եթեր են դուրս գալիս ու շփվում երկրպագուների հետ, պատասխանում նրանց հարցերին, երգում։