Կորոնավիրուսն ունի նաև դրական կողմեր. Դել Պիեռոյի երևանյան այցի պատճառները. ՖՈՏՈ

ԵՐԵՎԱՆ, 27 փետրվարի./Նովոստի–Արմենիա/. «Յուվենտուսի» և Իտալիայի հավաքականի նախկին հարձակվող Ալեսանդրո Դել Պիերոն երկրի հյուսիսում տեղի ունեցած կորոնավիրուսային համաճարակի պատճառով չի կարողացել ձեռք բերել Ռուսաստանի վիզա Իտալիայում, գրում է armsport.am–ը:

Metaratings.ru-ի փոխանցմամբ ՝ կորոնավիրուսի պատճառով Դել Պիերոն չի կարողացել այցելել Իտալիայում Ռուսաստանի Դաշնության երկու գլխավոր հյուպատոսություններից որևէ մեկը, որոնք տեղակայված են պետության հյուսիսում ՝ Միլանում և Ջենովայում:

Այս կապակցությամբ Դել Պիերոն և նրա շրջապատը որոշեցին Մոսկվա մեկնել այլ ճանապարհով․ նրանք Լոս Անջելեսից մեկնել են Երևան ՝ Հայաստանում Ռուսաստանի վիզա ստանալու համար:

Դել Պիերոյի համար Ռուսաստանի վիզա ստանալու կարգը հաջող է ընթացել: Նյութի հրապարակման պահին մեկնաբան Նոբել Առուստամյանը տեղեկացրեց, որ նրանք, «Յուվենտուսի» նախկին հարձակվողի հետ միասին, Երևանից մեկնել են Մոսկվա:

View this post on Instagram

A post shared by Nobel Arustamyan (@nobel_arustamyan) on Feb 26, 2020 at 11:27pm PST

Դել Պիերոն Մոսկվա կժամանի հինգշաբթի, փետրվարի 27-ին, «RB» 2-րդ միջազգային մրցանակի հանձնման արարողությանը, որը տեղի կունենա «Բարվիխա Luxury Village» ռեստորանում:

Երեկոյի առանցքային իրադարձություններից մեկը կլինի բարեգործական աճուրդը, որի բոլոր հավաքագրած միջոցները փոխանցվելու են Կոնստանտին Խաբենսկու հիմնադրամին: Հիմնական աճուրդի լոտը ընթրիքն է «Յուվենտուսի» լեգենդար նախկին հարձակվող Ալեսանդրո Դել Պիերոյի հետ:

Բացի Դել Պիերոյից, երկրորդ RB միջազգային մրցանակաբաշխության հյուրերն են լինելու Ռուսլան Նիգմատուլինը, Ալեքսեյ Նեմովը, Վյաչեսլավ Մալաֆեևը, Սվետլանա Խորկինան, Սերգեյ Շուբենկովը, Աննա Չակվետաձեն, Ալենա Վոդոնևան և այլոք:

Երկրորդ RB միջազգային մրցանակին ներկա կլինեն Comedy Club-ից Պավել Վոլյան և Մարինա Կրավեցը, կատակերգակ Միխայիլ Շաթսը, վիդեո բլոգեր Եվգենի Սավինը և Match TV-ի մեկնաբան Կոնստանտին Գենիչը:

Հիշեցնենք, որ Ալեսանդրո դել Պիերոն այսօր առավոտյան Instagram–ի իր Stories–ում հրապարակել էր տեսանյութ` գրելով. «Բարի լույս, Երևան»։–0–