ԼՂՀ նախագահը խորհրդակցություն է անցկացրել` ուժային կառույցների ղեկավարների մասնակցությամբ
ՍՏԵՓԱՆԱԿԵՐՏ, 8 ապրիլի. /Նովոստի–Արմենիա/. Լեռնային Ղարաբաղի Հանրապետության Նախագահ Բակո Սահակյանը չորեքշաբթի հրավիրել է աշխատանքային խորհրդակցություն` ԼՂՀ գլխավոր դատախազ Արթուր Մոսիյանի, ազգային անվտանգության ծառայության տնօրեն Արշավիր Ղարամյանի, ոստիկանապետ Կամո Աղաջանյանի եւ այդ կառույցների մի խումբ պատասխանատուների մասնակցությամբ:
«Հանդիպման սկզբում երկրի ղեկավարը շնորհակալություն է հայտնել ուժային կառույցների ղեկավարներին ս.թ. մարտի 30-ին Մարտակերտ քաղաքի բնակչուհի Դիանա Բաղրյանի սպանության օպերատիվ բացահայտման համար:
Խորհրդակցության ընթացքում քննարկվել են ուժային կառույցների աշխատանքներին եւ նրանց միջեւ համագործակցությանը վերաբերող մի շարք հարցեր»,–ասված է հաղորդագրությունում:
Նախագահը կոնկրետ հանձնարարականներ է տվել համապատասխան ոլորտներում աշխատանքների պատշաճ իրականացման ուղղությամբ:.--0--
