ԵՐԵՎԱՆ, 20 մարտի./Նովոստի-Արմենիա/. Կրասնոդարի երկրամասում վերջին օրերին արձանագրվել է կորոնավիրուսային վարակի 2 բերովի դեպք ՌԴ քաղաքացիների մոտ: Այս մասին հաղորդվում է Կրասնոդարի երկրամասի Ռոսպոտրեբնադզորի կայքում:
«Հաստատվել է, որ քաղաքացիներն այցելել են կորոնավիրուսային վարակի անբարենպաստ երկրներ՝ Իտալիա, Ֆրանսիա, Հայաստան: Արդյունքները հաստատվել են սահմանված կարգով»,- նշվում է հաղորդագրության մեջ:
«Նովոստի-Արմենիա» գործակալությունը մեկնաբանության համար դիմել է ՀՀ առողջապահության նախարարությանը:
Հիշեցնենք, որ ՀՀ կառավարության մարտի 17-ի որոշման համաձայն, մինչև մարտի 24-ը ներառյալ, Հայաստանի և Ռուսաստանի միջև ցամաքային և օդային հաղորդակցությունը սահմանափակված է:
ՀՀ կառավարությունը մարտի 16–ից ապրիլի 14–ը հայտարարել է արտակարգ դրություն երկրում կորոնավիրուսի տարածումը կանխելու նպատակով։
Այս պահի դրությամբ ՀՀ-ում կա կորոնավիրուսով վարկման 136 դեք, 1-ն առողջացած:
Հայաստանում կորոնավիրուսի առաջին դեպքը հաստատվել է մարտի 1–ին, պացիենտն արդեն առողջացել է և դուրս է գրվել հիվանդանոցից։ Վարակակիրների շրջանում են Իրանից և Իտալիայից ժամանած ՀՀ քաղաքացիներ` Երևանի, Էջմիածնի, Մեղրիի և Չարենցավանի բնակիչներ, նրանց հետ շփված անձինք, ինչպես նաև Իտալիայի մեկ քաղաքացի և Ֆրանսիայից ժամանած անձ։ Վարակակիրների մեծ մասը, այդ թվում` դպրոցահասակ երեխան, Էջմիածնի բնակիչներ են, ինչպես նաև Երևանի արտադրամասում վարակակիրների հետ շփված անձինք։–0–