Կոլումբիայում երկրաշարժի հետևանքով զոհերի թիվը հասել է 224-ի

ԵՐԵՎԱՆ, 11 օգոստոսի. /Նովոստի-Արմենիա/. Կոլումբիայում երկրաշարժի հետևանքով զոհվածների քանակն ավելացել է՝ հասնելով 224-ի, գրում է Коммерсантъ-ը։

Ավելի վաղ հաղորդվել էր 169 զոհի մասին։ Տուժածների ընդհանուր թիվը գերազանցել է 900-ը՝ նախկինում հաղորդված 668 վիրավորի փոխարեն։

Ամենածանր հետևանքները գրանցվել են Պերեյրա դեպարտամենտում, որտեղ զոհվել է 66 մարդ, իսկ տուժածների թիվը հասել է 72-ի։ Եվս 37-ը համարվում են անհետ կորած, իսկ 15-ը շարունակում են մնալ փլատակների տակ։

Երկրաշարժը տեղի է ունեցել օգոստոսի 10-ի առավոտյան։ Մագնիտուդը կազմել է 7,4: Էպիկենտրոնը գտնվել է Կոլումբիայի արևմուտքում գտնվող Սան Խոսե դել Պալմար քաղաքից 5 կիլոմետր հեռավորության վրա։ Երկրաշարժը զգացվել է Կոլումբիայի կենտրոնական և հարավարևմտյան մասերի մի քանի շրջաններում, ինչպես նաև այլ երկրներում՝ Էկվադորում, Պանամայում և Վենեսուելայում։
Կոլումբիայում հայտարարվել է ազգային աղետի ռեժիմ։