ԵՐԵՎԱՆ, 18 մայիսի./Նովոստի-Արմենիա/. ՌԴ նախագահի մամուլի քարտուղար Դմիտրի Պեսկողը շարունակում է բուժվել կորոնավիրուսով վարակվելուց հետո, հաղորդում է ՏԱՍՍ-ը:
Загружается новость ... "Лево"
«Դեռևս բուժվում եմ»,- ասել է Պեսկովը՝ պատասխանելով իր ինքնազգացողության և հիվանդանոցից դուրս գրվելու ծրագրերի մասին: Կրեմլի ներկայացուցիչը նույնպես շնորհակալություն է հայտնել իր առողջության մասին հոգածության համար:
Ռուսաստանում համավարակի բռնկման պահից Պեսկովից բացի կորոնավիրուսով վարակվել են, վարչապետ Միխայիլ Միշուստինը, ՌԴ քաղաքաշինության նախարար Վլադիմիր Յակուշևը, մշակույթի նախարար Օլգա Լյուբիմովան և ՌԴ բարձրագույն կրթության և գիտության նախարար Վալերի Ֆալկովը: Յակուշևը, ինչպես հայտնի է դարձել մայիսի 8-ին, դուրս է գրվել հիվանդանոցից բուժումը տանը շարունակելու համար: Լյուբիմովան և Ֆալկովը առողջացել են և վերադարձել աշխատանքի:
Ինչ վերաբերում է վարչապետին, ապա ինչպես հայտնել է առողջապահության նախարար Միխայիլ Մուրաշկոն, Միշուստինը ապաքինվում է և արդեն այս շաբաթ կկարողանա վերադառնալ աշխատանքի: -0-