Կորոնավիրուսով ծնված աղջիկը առանց դեղերի ապաքինվել է 17 օրում

ԵՐԵՎԱՆ, 27 փետրվարի./Նովոստի-Արմենիա/. Նորածին երեխան, ում մոտ ախտորոշվել է COVID-19 տեսակի նոր կորոնավիրուս, լիարժեք ապաքինվել է 17 օրում: Ընդ որում երեխան այդ ընթացքում դեղերի չի ընդունել, հաղորդում է ont.by-ը՝ հղում անելով The Mirror-ին:
  
Հայտնի է, որ Սյաո Սյաո անվամբ աղջիկը ծնվել է Ուհանի հիվանդանոցներից մեկում: COVID-19 վիրուսը փոխանցվել է երեխային ծնողներից մեկից:

Նշվում է, որ երեխայի մոտ հիվանդության ախտանիշները շատ լուրջ չէին: Նրա մոտ ախտորոշել են միայն սրտի հետ կապված աննշան խնդիրներ: Ընդ որում շնչառական խնդիրներ, հազ և տենդ նրա մոտ չի եղել: Այդ պատճառով բժիշկները կիրառել են միայն սրտի բուժման համար անհրաժեշտ դեղեր: Այս մասին պատմել է Ուհանի տվյալ հիվանդանոցի նեոնատոլոգիայի բաժնի բժիշկ Ցզեն Լինկոնգը:

17 օր անց Սյաո Սյաոյի մոտ անցկացված կորոնավիրուսի թեստը բացասական արդյունք է ցույց տվել:-0-