Չինացի բժիշկները մեկնել են Իտալիա կորոնավիրուսի դեմ պայքարելու համար (ՎԻԴԵՈ)

ԵՐԵՎԱՆ, 14 մարտի․ /Նովոստի-Արմենիա/․ Չինական բժշկական անձնակազմը ժամանել է Իտալիա, որպեսզի երկրին օգնի պայքարել COVID-19 կորոնավիրուսի համավարակի դեմ։

Euronews English-ը տեսանյութ է տեղադրել, որտեղ դիմավորում են Չինաստանից եկած բժիշկներով ինքնաթիռը, որը վայրէջք է կատարել Հռոմում։

Չինացի մասնագետները իրենց գիտելիքները փոխանցել են իտալացի գործընկերներին: Նրանք իրենց հետ Հռոմ են բերել 9 բժշկական բեռնատար պալետներ՝ բժշկական պարագաներով, ներառյալ օդափոխման համակարգեր և դիմակներ:

Ավելի վաղ Չինաստանը հայտարարել էր կորոնավիրուսի տարածման գագաթնակետը հաղթահարելու մասին, մինչդեռ Իտալիայում իրավիճակը օրեցօր սրվում է. COVID-19- ով վարակվածների թիվը արագորեն աճում է՝ հասնելով արդեն 15.1 հազար մարդու: Իտալիայում այս հիվանդությունից արդեն մահացել է 1016 մարդ, բուժվել է 1258-ը:-0-