ԵՐԵՎԱՆ, 29 փետրվարի./Նովոստի–Արմենիա/. Վրացի բժիշկներն արձանագրել են կորոնավիրուսով վարակման 3–րդ դեպքը։
Այս մասին,
ՏԱՍՍ–ի հաղորդմամբ, շաբաթ օրը ճեպազրույցի ժամանակ տեղեկացրել է Վրաստանի ԱՆ հիվանդությունների և հանրային առողջության վերահսկման ազգային կենտրոնի տնօրեն Ամիրան Գամկրելիձեն։
«Նա (վարակվածը) Վրաստանի քաղաքացի է, ով ճամփորդել է Իրանում», – նշել է Գամկրելիձեն` ավելացնելով, որ հիվանդի առողջական վիճակը կայուն է։
Ինչպես նշել է Գամկրելիձեն, նշված անձը, նախնական տվյալներով, վարակվել է Վրաստանի 50–ամյա քաղաքացուց, որի մոտ ախտորոշվել էր կորոնավիրուս դեռ փետրվարի 26–ին։ Նրանք միասին գտնվել են Իրանում։
Վրաստանում կորոնավիրուսից բուժվում է նաև Վրաստանի 31–ամյա քաղաքացի, ով վարակվել է Իտալիայում։ Նրա մոտ կորոնավիրուս է ախտորոշվել փետրվարի 28–ին։–0–