Վրաստանում 15 մարդ վարակվել է կորոնավիրուսով

ԵՐԵՎԱՆ, 9 մարտի./Նովոստի–Արմենիա/. Վրաստանում 15 մարդու մոտ կորոնավիրուս է ախտորոշվել, հաղորդում է gazeta.ru–ն` հղում անելով «Ինտերֆաքսին», որն էլ իր հերթին հղում է անում Վրաստանի առողջապահության նախարարությանը։

Այս պահին 51 մարդ գտնվում է բժիշկների հսկողության տակ, ևս 141–ը մարդ կարանտինի մեջ է։

Մարտի 1–ի գիշերը Հայաստանում գրանցվել է կորոնավիրուսով վարակման հաստատված դեպք։ Հիվանդը Հայաստանի 29-ամյա քաղաքացի է, ով Հայաստան է ժամանել Թեհրանից փետրվարի 28-ին իր կնոջ հետ։ Նա ինքն է դիմել բժշկի։ Ծաղկաձորում մեկուսացման մեջ գտնվում է վարակվածի հետ շփման մեջ եղած 31 մարդ։–0–