ՌԴ-ում կորոնավիրուսով վարակման դեպք է հաստատվել

ԵՐԵՎԱՆ, 2 մարտի./Նովոստի-Արմենիա/. Կորոնավիրուսով վարակման դեպք է հաստատվել Ռուսաստանի քաղաքացու մոտ, ով վերադարձել էր Իտալիայից, հաղորդում է ՏԱՍՍ-ը:

Հիվանդությունը թեթև է ընթանում, երկուշաբթի լրագրողներին հայտնեցին կորոնավիրուսի հետ կապված իրավիճակի վերահսկման և մոնիտորինգի գործառնական շտաբից:

«Մարտի 2-ին ՌԴ քաղաքացու մոտ հաստատվել է Իտալիայից բերված COVID-2019 նոր կորոնավիրուսով վարակման դեպք»,- հայտնել են շտաբից՝ նշելով, որ հիվանդությունն անցնում է թեթև կլինիկական ընթացք:

Ինչպես տեղեկացրել են շտաբից, երիտասարդը հիվանդացել է փետրվարի 21-ին, վերադառնալով Իտալիայում հանգստից: Նա վերադարձել է Ռուսաստան փետրվարի 23-ին, իսկ ամսի 27-ին դիմել պոլիկլինիկա ՍՇՎխի ախտանիշներով, ինչից հետո հոսպիտալացվել է: Լաբորատոր հետզոտությամբ նրա մոտ կորոնավիրուս է հաստատվել:

«Անհապաղ որոշվել է մարդկանց շրջանակը, ում հետ վերջինս այցելել է Իտալիա և շփվել հայրենիք վերադառնալուց հետո: Նրանք գտնվում են հիվանդանոցում բժշկական վերահսկողության ներքո կամ տանը: Անցկացվում են լաբորատոր հետազոտություններ»,- նշել են շտաբից:-0-