ԵՐԵՎԱՆ, 25 փետրվարի./Նովոստի–Արմենիա/. Իրանի առողջապահության և բժշկական կրթության փոխնախարար Իրաջ Հարիրչիի մոտ կորոնավիրուս է ախտորոշվե։ Այս մասին Հարիրչին հայտարարել է այսօր, հաղորդում է
ՏԱՍՍ–ը։
Загружается новость ... "Лево"
«Ուզում եմ տեղեկացնել, որ ինձ մոտ կորոնավիրուս է։ Երեկվանից ջերմություն ունեի, սկզբնական անալիզը ցույց է տվել դրական արդյունք։ Երկուշաբթի երեկոյից ինքս ինձ մեկուսացրել եմ», – պաշտոնյայի խոսքերը մեջբերում է ILNA գործակալությունը։
Պաշտոնյան հայտարարել է, որ Իրանն անպայման կհաղթի վիրուսն առաջիկա մի քանի շաբաթվա ընթացքում։
«Ինձ վատ չեմ զգում, ամեն ինչ լավ է, միայն ջերմում եմ», – ավելացրել է նա։
Իրանի առողջապահության նախարարությունը փետրվարի 19–ին հայտնել է երկրում նոր կորոնավիրուսի վարակի առաջին դեպքերի մասին։ Վարակվածները հայտնաբերվել են Կում քաղաքում։ Պաշտոնական տեղեկատվության համաձայն, Իրանում կորոնավիրուսով վարակվել է մոտ 95 մարդ, 15–ը մահացել է։–0–