Հանգիստ առանց կորոնավիրուսի. հայտնի են Եվրոպայի ամենաանվտանգ լողափերը

ԵՐԵՎԱՆ, 8 հունիսի./Նովոստի–Արմենիա/. European Best Destinations տուրիստական պորտալը պարզել է, թե որ լողափերն են առավել անվտանգ ամառային հանգստի համար համավարակի պայմաններում։ Պորտալը հրապարակել է լավագույն լողափերի տասնյակը, գրում է bazaar.ru-ն։



Առաջին տեղում է Հունաստանի Պրևեզա լողափը, որը գտնվում է Ամվրակիկոս ծոցի ափին։ Այն Եվրոպայի ամենաերկար լողափն է։ Պրևեզային են հետևում Պորտուգալիայում գտնվող Կոմպորտա և Լեհաստանում գտնվող Խելսկայա կոսա լողափերը։



Վարկանիշը կազմելիս փորձագետները հաշվի են առել այնպիսի գործոններ, ինչպիսիք են կորոնավիրուսով վարակման դեպքերի թիվը, լողափերի երկարությունն ու մեկ մարդու հաշվարկով քառակուսի մետրը, թե որքան մոտիկ են գտնվում լողափերը հիվանդանոցներին, ինչպես նաև մասնավոր առանձնատների, տուրիստական տների, փոքր և միջին հյուրանոցների քանակն ու հասանելիությունը, որոնք պարտավորվում են կանոնավոր կերպով ախտահանել և մաքրել համարները։



Այսպիսի տեսք ունի հանգստի համար նախատեսված ամենաանվտանգ լողափերի տասնյակը.

1.Պրևեզա (Հունաստան)
2. Կոմպորտա (Պորտուգալիա)
3. Խելսկայա կոսա (Լեհաստան)
4. Պորտու Սանտու (Պորտուգալիա)
5. Խալիկունաս լողափ (Կերկիրա, Հունաստան)
6. Ռիվիերա Բիչ (Մալթա)
7. Մեյա Պրայա լողափ (Պորտուգալիա)
8. Յուրմալա (Լատվիա)
9. Նիդա (Լիտվա)
10. Բինց լողափ (Գերմանիա)