Ադրբեջանում գրանցվել է կորոնավիրուսով վարակման առաջին դեպքը

ԵՐԵՎԱՆ, 28 փետրվարի. /Նովոստի-Արմենիա/. Ադրբեջանում գրանցվել է Covid-19կորոնավիրուսով վարակման առաջին դեպքը, հայտնում է օպերատիվ շտաբը: Այս մասին հաղորդել է «Интерфакс Азербайджан»-ը:

«Դա Ռուսաստանի քաղաքացի է, ով Իրանից ժամանել է Ադրբեջան: Նա տեղավորվել է հատուկ ռեժիմի վարակային բաժանմունքում», - ասել են շտաբում:


Ըստ շտաբի, ռուսաստանցու կորոնավիրուսով վարակը հաստատվել է թեստով, ներկայումս հիվանդի վիճակը կայուն է:

«Վիրուսի տարածումը կանխելու համար ձեռնարկվում են անհրաժեշտ միջոցառումներ, այդ թվում` աշխատանքներ են տարվում այն անձանց հայտնաբերելու ուղղությամբ, որոնց հետ հիվանդը շփում է ունեցել», - ասել են շտաբում:-0-