Երևանի տրանսպորտի ախտահանման լուսանկարը` The Guardian–ի լավագույն ֆոտոների ցանկում (ՖՈՏՈ)
ԵՐԵՎԱՆ, 15 մարտի./Նովոստի–Արմենիա/. The Guardian հրատարակությունը Երևանի տրանսպորտի ախտահանման լուսանկարը ներառել է հանգստյան օրերի լավագույն լուսանկարների ցանկում։
«Դատարկ եկեղեցիներ և ձեռքսեղմում արմունկներով. հանգստյան օրերի լավագույն լուսանկարները» ցանկում ներառվել է 21 ֆոտո, որոնցից շատերը վերաբերում են աշխարհում կորոնավիրուսի տարածման թեմային։
Նախօրեին Երևանում ախտահանվել է հասարակական տրանսպորտը` ավտոբուսները, տրոլեյբուսներն ու մետրոն։
Վերջին տվյալներով, մարտի 15–ի դրությամբ ՀՀ–ում հաստատվել է կորոնավիրուսով վարակի 26 դեպք, մեկուսացվել է 300 մարդ։ Կատարվել է նոր կորոնավիրուսի հայտնաբերման 577 հետազոտություն: Վարակման առաջին դեպքը գրանցվել է մարտի 1–ին։ Վարակվածների թվում են Իրանից և Իտալիայից ժամանած ՀՀ քաղաքացիներԵրևանի, Էջմիածնի և Մեղրիի բնակիչներ, նրանց հետ շփված անձինք, ինչպես նաև Իտալիայի մեկ քաղաքացի և Ֆրանսիայից ժամանած անձ։ Վարակվածների մեծ մասը, այդ թվում դպրոցահասակ երեխան, Էջմիածնի բնակիչներ են։–0–
