ԵՐԵՎԱՆ, 1 մայիսի./Նովոստի-Արմենիա/. Որոշ դիետաներ մեծացնում են կորոնավիրուսով վարակվելու հավանականությունը: Այս մասին, Lenta.ru-ի հաղորդմամբ, РИА Новости-ին պատմել է դիետոլոգ, բժշկական գիտությունների թեկնածու Եկատերինա Բուրլյաևան:
Загружается новость ... "Лево"
Նրա խոսքով, համավարակի ընթացքում կտրականապես խորհուրդ չի տրվում սննդակարգի սահմանափակումներ կիրառել, որոնք հիմնվում են քաղցած մնալու կամ հիմնական սննդանյութերը բացառելու վրա. դա կարող է բացասաբար անդրադառնալ իմունային համակարգի վրա կամ մեծացնել օրգանիզմի ընկալունակությունը վարակիչ հիվանդությունների նկատմամբ:
Բուրլյաևան մեկնաբանել է, որ ինքնամեկուսացման ժամանակ նվազում է ֆիզիկական ակտիվությունը, այդ պատճառով անհրաժեշտ է նվազեցնել սննդակարգի օրական կալորիականությունը: Նա խորհուրդ է տալիս պահպանել սնվելու ռեժիմ, որն իր մեջ ներառում է սննդի երեք հիմնական ընդունում և 1-2 թեթև խորտիկ, ընդ որում ընթրիքը պետք է լինի քնելուց 3-4 ժամ առաջ: -0-