ԵՐԵՎԱՆ, 24 հուլիսի․ /Նովոստի-Արմենիա/․ Հիմքեր կան պնդելու, որ մենք ոչ միայն մտել ենք կորոնավիրուսային ճգնաժամի հաղթահարման փուլ, այլ աշնանը հնարավոր երկրորդ ալիքին կարող ենք ավելի լավ դիմանալ: Այս մասին այսօր Facebook-յան իր էջում ուղիղ եթերի ժամանակ ասաց ՀՀ վարչապետ Նիկոլ Փաշինյանը։
Նա նշեց, որ հունիսի 14-ից հետո առաջին անգամ կորոնավիրուսի ակտիվ դեպքերի, այսինքն այս պահին բուժվող դեպքերի թիվը 10 հազարից ցածր է:
Загружается новость ... "Лево"
«Այս լուրերի ֆոնին կրկին ակտիվացել է այն հակա-հակահակահամաճրակային PR արշավը, և ես տեսնում եմ, որ նորից հակադիմակային շարժումներ են սկսվում և այլն։ Մենք տեմպի որոշակի անկում ունենք, որովհետեւ պահպանվում են հակահամաճարակային պայմանները, որտեղ առանցքայինը դիմակ կրելն է: Բոլորիս համար էլ տհաճ է դիմակ կրելը,. Բայց ակնհայտ է, որ այս դինամիկան ունենք հիմնականում դիմակի կրման որոշակի կարգուկանոն պահպանելու շնորհիվ»,- ասաց նա։
Փաշինյանը հայտնեց, որ մեկնաբանություններ կան, որ տաք եղանակը ևս դեր ունի, բայց իրենք հունիսի սկզբին հետևել ենայն երկրներին, որտեղ ջերմաստիճանը 35-40 էր, բայց այնտեղ վիրուսը ալիքաձև ծավալվել է:
«Կոչ եմ անում տուրք չտաք այդ անպատասխանատու հայտարարություններին. դիմակի կրումը հակահամաճարակային պրոցեսում ունի անկյունաքարային նշանակություն: Մեր նպատակն է, որ աշնանը համաշխարհային մասշտաբով ավելի պատրաստ լինեն հնարավոր երկրորդ ալիքին»,- ասաց նա։
Նա հիշեցրեց, որ 700-ից ավելի մարդ է մահացել կորոնավիրուսից, ինչը սարսափելի թիվ է:
«Եթե դիմակի հետ կապված փոփոխություն լինի անելու, մենք առաջինը դա կշտապենք հայտարարել ու անել: Ուզում եմ վստահեցնել, որ մենք կանոնների բոլոր թուլացումները, որոնք այդ պահին հնարավոր են եղել, մենք արել ենք: Եթե չենք անում, ուրեմն դա այս պահին խելամիտ չի կամ հնարավոր չի անել: Ընդ որում, այս կայունությունը ոչ մի բան չի ասում, կարող է վաղը նորից թվերն աճեն եւ դառնան շատ մեծ: Այսօր էլ փոքր թիվ չի, 451 է այսօր եղել: Այնպես որ, եկեք այս անհարմարությունները մի փոքր երկար պահենք, բայց դուրս գալիս այնպես դուրս գանք, որ իսկապես դուրս գանք, ոչ թե իմիտացիա լինի»:-0-
