Ե՞րբ կսկսի գործել հասարակական տրանսպորտը․ ՀՀ էկոնոմիկայի փոխնախարարը մանրամասնել է (ՎԻԴԵՈ)

ԵՐԵՎԱՆ, 1 մայիսի․ /Նովոստի-Արմենիա/․ Միասնական տեղեկատվական կենտրոնում տեղի ունեցած մամուլի ասուլիսի ժամանակ ՀՀ էկոնոմիկայի նախարարի տեղակալ Վարոս Սիմոնյանը խոսել է հանրային տրանսպորտի սահմանափակումների մասին։

Ավելի վաղ նա հայտնել էր, որ մայսի 4-ից հանվելու են ՀՀ տարածքում գործող տնտեսական գործունեության սահմանափակումները։

Լրագրողների այն հարցին թե ինչպես են քաղաքացիները տեղափոխվելու մայիսի 4-ից մեծ թվով սահմանափակումների հանելուց հետո փոոխնախարարը պատասխանել է․

«Այս պահի դրությամբ մշակվել են այն ուղեցույցները և կանոնները, որոնք կվերաբերեն երկուշաբթի օրվանից չսահմանափակված գործունեության տեսակներին։ Երբ որոշում կկայացվի հանրային տրանսպորտի հետ կապված, զուգահեռաբար, ուժի մեջ կմտնեն հանրային տրանսպորտից օգտվելու կանոնները և համապատասխան ուղեցույցը, որը թույլ կտա ճիշտ ձևով շահագործել և ապահովել հնարավորինս անվտանգ երթևեկություն՝ համավարակի տարածման հետ կապված»,- նշել է նախարարի տեղակալը։

Նա ընդգծել է, որ այս փուլում սահմանափակված է մնում հանրային տրանսպորտը, քանի որ այն կորոնավիրուսի վարակի տարածման առումեվ, տնտեսական գործունեության շատ բարձր ռիսկային տեսակ է, որի միջոցով, շատ արագ կերպով կարող է տարածել վարակը։

«Մեր բոլոր գործողություններն ուղղված են եղել համավարակի տարածման շղթան կոտրելու վրա»,- ասել է Սիմոնյանը։-0-