530.17
7.45
476.34
+12
Եղանակը Երևանում
Հայ

Քիմ Քարդաշյանը Հայաստան կայցելի. WCIT կազմկոմիտե

12:17
10 Սեպտեմբերի 2019

ԵՐԵՎԱՆ, 10 սեպտեմբերի. /Նովոստի–Արմենիա/. Ամերիկահայ մոդել, ռեալիթի շոուի աստղ Քիմ Քարդաշյանը կայցելի Հայաստան` ելույթ ունենալու WCIT 2019 23-րդ համաշխարհային համաժողովում, որը կանցկացվի Երևանում այս տարվա հոկտեմբերի 6-9–ը։

Ինչպես նշեցին միջոցառման կազմակերպիչները, Քարդաշյանը հանդես կգա որպես հիմնական զեկուցող և պանելիստ։

«Քիմ Քարդաշյան Վեսթը Հայաստան է գալիս մասնակցելու ՏՏ 23-րդ համաշխարհային համաժողովին․ Ավելի քան 240 միլիոն հետևորդներով՝ Քիմ Քարդաշյան-Վեսթը սոցցանցերում ամենամեծ լսարանն ունեցող մարդկանցից է։ Նա մեր ժամանակաշրջանի ամենաազդեցիկ ձայներից մեկն է աշխարհում: Մենք համոզված ենք, որ Քիմ Քարդաշյան-Վեսթը, որպես արտասովոր հաջողակ գործարար, որպես այս ոլորտի առաջամարտիկ, որպես կին և մայր, կարևոր ու հետաքրքիր ասելիք կունենա սոցիալական մեդիայում ձեռներեցության աշխարհի մասին»,– ասվում է կազմակերպիչների հայտարարությունում։

Քիմ Քարդաշյան-Վեսթը հանդես կգա «Գաղափարների շուկա» լիագումար նիստում, այնուհետև դեմ առ դեմ հարցազրույց կունենա, իսկ ավելի ուշ կմիանա բանավեճի ականավոր մասնակիցներին, որոնց թվում է լինելու համաշխարհային ճանաչում ունեցող հայկական «PicsArt» ընկերության համահիմնադիր և գործադիր տնօրեն Հովհաննես Ավոյանը։

Քիմ Քարդաշյան-Վեսթն իր հարթակն ակտիվորեն օգտագործում էր քրեական արդարադատության բարեփոխումների համար պայքարում, իսկ մայիսին հայտարարեց, որ սկսել է իրավաբանություն ուսանել Կալիֆորնիայում։ Այս սեպտեմբերին նա կներկայացնի իր սպասված «SKIMS» հագուստի նորաձևության հավաքածուն, ի լրումն «KKW BEAUTY» և «KKW Fragrance» հավաքածուների, որոնք թողարկվել են 2017 թվականին։

«WCIT» ՏՏ համաշխարհային համաժողովը Երևանում կանցկացվի հոկտեմբերի 6-9–ը։ Հայկական կողմից կազմակերպիչն է` Առաջադեմ տեխնոլոգիաների ընկերությունների միությունը Հայաստանի կառավարության հովանու ներքո և օժանդակությամբ։

Загружается новость ... "Право"

Այս տարի «WCIT» ՏՏ համաշխարհային համաժողովի թեման է՝ «Ապակենտրոնացման ուժը. ակնկալիք և վտանգ»։ Համաժողովի ընթացքում հանգամանորեն կքննարկվի, թե ինչպես են տեղեկատվական և հաղորդակցության տեխնոլոգիաները թե՛ դրական, թե՛ բացասական առումներով վերափոխում մեր կյանքը, ինչ ազդեցություն են ունենում շահույթի և բարեկեցության, ապահովության և անվտանգության, ժողովրդավարության և մարդասիրության վրա։ Երևանյան համաժողովին սպասվում է ավելի քան 2000 մասնակից՝ 70 երկրից։

«WCIT» ՏՏ համաշխարհային համաժողովը Տեղեկատվական տեխնոլոգիաների և ծառայությունների համաշխարհային դաշինքի (ՏՏԾՀԴ) ամենանշանավոր միջոցառումն է։ Դաշինքն 83 երկրների տեղեկատվական և հաղորդակցության տեխնոլոգիաների (ՏՀՏ) միություններից բաղկացած ընկերակցություն է, որը ներկայացնում է ոլորտի 90 տոկոսը։ -0-

Թեմատիկ նյութեր
Բաժնի այլ նյութեր
11:36
08 Հոկտեմբերի 2019
Սպասված հյուր. Քիմ Քարդաշյանը ելույթ է ունենում WCIT-2019–ին (LIVE)
Քիմ Քարդաշյան–Ուեսթն այս րոպեներին ելույթ է ունենում Երևանում անցկացվող WCIT-2019 ՏՏ համաշխարհային 23–րդ կոնգրեսում։
21:34
07 Հոկտեմբերի 2019
Pixar & PicsArt: երկու ընկերություններն ընդլայնում են գործակցությունը
Pixar Animation Studios հայտնի կինոստուդիան և PicsArt (լուսանկարների ամերիկյան ստարտափ–խմբագիր) հայտնի ընկերության հայկական գրասենյան արդյունավետ գործակցություն են սկսել։
17:01
07 Հոկտեմբերի 2019
WITSA–ի նախագահը` արհեստական բանականության մասին. «Մենք չպետք է վախենանք նոր տեխնոլոգիաներից»
Արհեստական բանականության տեխնոլոգիաների զարգացումը չպետք է վախեցնի մարդկությանը
16:42
07 Հոկտեմբերի 2019
Բժշկության Նոբելյան մրցանակ է շնորհվել թթվածնին բջիջների արձագանքի ուսումնասիրության համար
Թթվածնի հիմնարար նշանակությունը հայտնի է հնագույն ժամանակներից
20:25
22 Սեպտեմբերի 2019
Ամենօրյա լոգանքը վտանգավոր է. մաշկաբաններ
Հաճախ լոգանք ընդունելու դեպքում նվազում է մաշկի պաշտպանիչ շերտը:
21:15
01 Սեպտեմբերի 2019
Google-ն iPhone-ներից անձնական տվյալների զանգվածային արտահոսք է հայտնաբերել
Google ընկերությունը հայտնաբերել է iOS օպերացիոն համակարգով աշխատող սարքերի վարակման կայքերը:
11:49
29 Օգոստոսի 2019
Սլովենիայում անցկացված ինֆորմատիկայի օլիմպիադային ՀՀ թիմը նվաճել է 1 ոսկե և 2 բրոնզե մեդալ
Օլիմպիադային, որին մասնակցում էր 24 երկրի 90 աշակերտ, ՀՀ թիմը նվաճել է 1 ոսկե և 2 բրոնզե մեդալ։
17:11
24 Օգոստոսի 2019
Աշնանային «խնձոր». Apple–ը միանգամից 3 նոր iPhone կներկայացնի
Apple–ը սեպտեմբերին կներկայացնի iPhone–ի երեք նոր մոդելներ
14:58
18 Օգոստոսի 2019
Փորձագետները պարզել են լավագույն տեսախցիկով սմարթֆոնը (ՎԻԴԵՈ)
DxOMark–ի փորձագետները նշել են այն սմարթֆոնը, որի լուսանկարներն առանձնանում են լավագույն որակով։

15:31
17 Օգոստոսի 2019
Գիտական վեճեր. շոկոլադն անօգու՞տ է դեպրեսիայի դեպքում
«Դեպրեսիա և անհանգստություն» պարբերականի ուսումնասիրության մեջ խոսվում է մուգ շոկոլադի օգտակար հատկությունների մասին:
11:56
12 Օգոստոսի 2019
Երկրագնդին Քեոփսի բուրգի չափերի աստերոիդ է մոտենում
Երկիր մոլորակին հսկա աստերոիդ է մոտենում։
21:15
11 Օգոստոսի 2019
Sony–ին ներկառուցվող օդորակիչով վերնաշապիկ է մշակել (ՎԻԴԵՈ)
Sony–ն ներկայացրել է վերնաշապիկ` ներկառուցվող օդորակիչով։