ՀՀ նախագահն ու Մեծ Բրիտանիայի թագուհին հայ-թուրքական հարաբերությունների կարգավորմանն առնչվող հարցեր են քննարկել
11.02.2010,
12:28
ՀՀ նախագահն ու Մեծ Բրիտանիայի թագուհին հայ-թուրքական հարաբերությունների կարգավորմանն առնչվող հարցեր են քննարկել
Մեծ Բրիտանիայի և Հյուսիսային Իռլանդիայի Միացյալ Թագավորություն կատարած աշխատանքային այցի շրջանակում Բուքինգհեմյան պալատում Հայաստանի Հանրապետության Նախագահ Սերժ Սարգսյանին ընդունել է Նորին Մեծություն Թագուհի Եղիսաբեթ Երկրորդը:
Ինչպես տեղեկացնում է ՀՀ մամուլի ծառայությունը, զրույցի ընթացքում քննարկվել են հայ-բրիտանական երկկողմ հարաբերությունների զարգացման հեռանկարներին, Հայաստանի եվրաինտեգրման գործընթացին, ինչպես նաև Հայաստան-Թուրքիա հարաբերությունների կարգավորմանը վերաբերող խնդիրներ:
Քննարկված հարցերի վերաբերյալ Հայաստանի Հանրապետության Նախագահը Նորին Մեծություն Եղիսաբեթ Երկրորդին տեղեկացրել է պաշտոնական Երևանի մոտեցումների մասին: -0-