Երևանը հերքել է հայ-վրացական սահմանում վրացի զինվորների զոհվելու վերաբերյալ Թբիլիսիի հայտարարությունը

ԵՐԵՎԱՆ, 2 սեպտեմբերի. /Նովոստի-Արմենիա/. Հայաստանի ազգային անվտանգության ծառայությունը հերքել է Թբիլիսիի հաղորդագրությունը՝ հայ-վրացական սահմանում վրացի զինվորների զոհվելու վերաբերյալ։

Չորեքշաբթի Վրաստանի ՆԳՆ աշխատակազմի ղեկավար Շոթա Խիզանիշվիլին ՌԻԱ Նովոստիին հայտնել է, որ վրաց-հայկական սահմանային պահակակետում վրացի երեք զինծառայողի մահացած են հայտնաբերել։

«Տվյալ տեղեկատվությունը չի համապատասխանում իրականությանը, հայ-վրացական սահմանում որևէ միջադեպ չի գրանցվել»,- ՌԻԱ Նովոստիին է տեղեկացրել ԱԱԾ մամուլի ծառայության աշխատակիցը։ Խիզանիշվիլու խոսքերով, զինծառայողները մահացած են հայտնաբերվել Ադիգենի շրջանի սահմանային պահակակետերից մեկում։

Հայաստանի ԱԱԾ մամուլի ծառայության աշխատակիցը հաղորդեց, որ միջադեպը, հնարավոր է, տեղի է ունեցել վրաց-թուրքական սահմանում։ Նա հստակեցրեց, որ Ադիգենի շրջանը սահմանակից է Թուրքիային։ -0-