Հայաստանի պատվիրակ Նարեն փայլուն ելույթ ունեցավ «Մանկական Եվրատեսիլ 2026»-ում (ՎԻԴԵՈ)
ԵՐԵՎԱՆ, 25 հոկտեմբերի․ /Նովոստի–Արմենիա/․ Հայաստանի ներկայացուցիչ Նարեն քիչ առաջ փայլուն ելույթ ունեցավ «Մանկական Եվրատեսիլ 2026» երգի միջազգային մրցույթի բեմում։
Նարեն հանդես է եկել 8-րդ համարի ներքո՝ ներկայացնելով Հայաստանը միջազգային երաժշտական մրցույթում։
Հայաստանի պատվիրակի ելույթն առանձնացավ արտահայտիչ կատարումով և բեմական ներկայությամբ։
13-ամյա երգչուհին կատարեց իր մրցութային «BOO!» երգը, որի երաժշտության հեղինակը Լիլիթ Նավասարդյանն է, խոսքերի հեղինակը՝ Գրիգոր Կյոկչյանը։
«Մանկական Եվրատեսիլ 2026»-ն անցկացվում է հոկտեմբերի 24-ին Մալթայում՝ Malta Fairs and Conventions Centre-ում։ Այս տարի մրցույթին մասնակցում է 16 երկրի ներկայացուցիչ։ Հաղթողը որոշվում է մասնագիտական ժյուրիների և առցանց քվեարկության արդյունքներով՝ հավասար՝ 50-ական տոկոս կշռով։
Հայաստանը մրցույթում հաղթել է երկու անգամ՝ 2010 թվականին Վլադիմիր Արզումանյանի և 2021 թվականին Մալենայի շնորհիվ։
