Հայաստանի ժողովրդական կուսակցության առաջնորդը հարգել է մարտի 1-ի անկարգությունների զոհերի հիշատակը
ԵՐԵՎԱՆ, 9 ապրիլի. /Նովոստի-Արմենիա/. Հայաստանի ընդդիմադիր Ժողովրդական կուսակցության առաջնորդ Ստեփան Դեմիրճյանը հարգել է Երևանում մարտի 1-ի անկարգությունների հետևանքով զոհվածների հիշատակը՝ ծաղիկներ դնելով Ա.Մյասնիկյանի արձանին, որի անվան հրապարակը դարձել էր բողոքի ցույցերի անցկացման վայր։
Առավոտից մարդիկ այստեղ ծաղիկներ են բերում և մոմեր վառում՝ Երևանի անկարգությունների զոհերի հիշատակին։
«Այս քաղաքացիական նախաձեռնությունը նվիրված է մարտի 1-ի իրադարձություններին՝ որպես զոհերի հիշատակի օր»,- ասաց Դեմիրճյանը։ Նա հայտնեց, որ ընդդիմության առաջնորդները միացել են այս նախաձեռնությանը, որի հիմնական նպատակը «քաղբանտարկյալների ազատ արձակումն է ու նրանց հետապնդումը դադարեցնելը»։
Իրավապահ մարմինները ժողովրդին կոչ են անում՝ չհավաքվել և հարգանքի տուրք մատուցելուց հետո խաղաղ ցրվել։--0-
