Քննարկվել է նաև Ադրբեջանում պահվող հայ անձանց հարցը․ Միրզոյանը՝ ԱՄՆ պետքարտուղարի հետ հանդիպման արդյունքների մասին
ԵՐԵՎԱՆ, 14 հունվարի․/Նովոստի-Արմենիա/․ Իմ և ԱՄՆ պետքարտուղարի միջև հանդիպմանը քննարկվել է նաև Ադրբեջանում պահվող հայ անձանց հարցը։
Այս մասին Վաշինգտոնում տեղի ունեցող ասուլիսի ժամանակ հայտնել է ՀՀ ԱԳ նախարար Արարատ Միրզոյանը՝ անդրադառնալով իր և ԱՄՆ պետքարուղար Մարկո Ռուբիոյի` հունվարի 13-ին Վաշինգտոնում կայացած հանդիպմանը։
«Մենք քննարկել ենք և՛ երկկողմ, և՛ TRIPP-ից բխող համագործակցության հեռանկարները և նաև քննարկել ենք այն հնարավոր խոչընդոտները, որոնք այս պահին մի փոքր չեն համապատասխանում խաղաղության ձևավորման դրական տենդենցներին և համագործակցության տենդենցներին»։
Նախարարի խոսքով, Ադրբեջանում պահվող անձանց հարցն այդ հարցերից մեկն է։
Նշենք, որ հունվարի 13-14-ը ՀՀ ԱԳ նախարար Արարատ Միրզոյանը աշխատանքային այցով ԱՄՆ-ում է, և նախօրեին տեղի է ունեցել ԱԳ նախարար Արարատ Միրզոյանի և ԱՄՆ պետքարտուղար Մարկո Ռուբիոյի հանդիպումը։
