Արցախում գրանցվել է կորոնավիրուսով վարակման 2 նոր դեպք, ընդհանուր՝ 10
07.05.2020,
22:17
Արցախում ևս 2 մարդ վարակվել է կորոնավիրուսով
ԵՐԵՎԱՆ, 7 մայիսի․ /Նովոստի-Արմենիա/․ Արցախի Հանրապետության առողջապահության նախարարությունից հայտնում են, որ նախօրեին թեստավորված 4 քաղաքացուց երկուսի փորձանմուշի արդյունքը դրական է եղել, երկուսինը՝ բացասական: Այս մասին ասվում է Արցախի տեղեկատվական շտաբի Facebook-յան էջում։
Այսինքն՝ երկու քաղաքացու մոտ հաստատվել է COVID-19 նոր կորոնավիրուսի վարակ:
Загружается новость ... "Лево"
Ըստ հաղորդագրության՝ վերոնշյալ 2 վարակակիրները ընտանիքի անդամներ են, որոնք բնակվում են Շահումյանի շրջանի Նոր Վերինշեն համայնքում: Այս պահին աշխատանքներ են կատարվում նրանց հետ շփման շրջանակը ճշտելու ուղղությամբ։«Նշենք, որ առայսօր Արցախում գրանցվել է նոր կորոնավիրուսի վարակման 10 դեպք, որից 6-ն արդեն ապաքինվել են»,- ասվում է գրառման մեջ։-0-
Պատճենել հղումը
