ԵՐԵՎԱՆ, 25 մարտի./Նովոստի-Արմենիա/. Արցախի Հանրապետության ոստիկանությունը կոչով դիմել է քաղաքացիներին՝ նոր կորոնավիրուսային հիվադնության տարածման կանխարգելման նպատակով գործող սահմանափակումների վերաբերյալ: Այս մասին նշվում է ԱՀ ոստկանության Facebook-յան էջում:
ԱՀ ոստիկանությունը կոչ է անում Արցախի Հանրապետությունում նոր տիպի կորոնավիրուսային վարակի հնարավոր տարածումը կանխելու նպատակով առաջիկա օրերին զերծ մնալ Հայաստանի Հանրապետություն մեկնելուց:
Տրանսպորտային միջոցներով փոխադրել սահմանափակ թվով անձանց, այդ թվում՝ հասարակական տրանսպորտով:
«Անձնագիր ստանալու, փոխանակելու և այլ անձնագրային գործողությունների, տրանսպորտային միջոցների գրանցման, վերագրանցման, հաշվառման, վերահաշվառման, վարորդական իրավունքի վկայական, զենքի շրջանառության հետ կապված թույլտվություններ, զենքի առևտրի և արտադրության լիցենզիա ստանալու, ինչպես նաև հանրային ծառայության բնագավառում ոստիկանության կողմից մատուցվող ծառայությունների համար Արցախի Հանրապետության ոստիկանություն դիմել խիստ անհրաժեշտության դեպքում»,- նշվում է տարածված հաղորդագրության մեջ:
Միաժամանակ ԱՀ ոստիկանությունը տեղեկացնում է, եթե անձնագրի վավերականության ժամկետն ավարտված է, և դրա փոխանակումը պայմանավորված է միայն ընտրությունների ժամանակ քվեարկությանը մասնակցելու համար, ապա կարիք չկա այն փոխանակելու համար դիմել անձնագրային ծառայություն, քանի որ անձնագրի վավերականության ժամկետի ավարտը հիմք չէ ընտրողին քվեարկության չթողնելու համար:-0-