ՀՐԱՏԱՊ․ Արցախում կանցկացվեն նախագահական ընտրություններ ՝ չնայած արտակարգ իրավիճակին․ Սահակյան

ԵՐԵՎԱՆ, 12 ապրիլի․ /Նովոստի-Արմենիա/․ Արցախում ապրիլի 14-ին նախատեսված նախագահական ընտրությունները տեղի կունենան, չնայած կիրակի օրը Նախագահ Բակո Սահակյանի հայտարարած արտակարգ դրությանը: Այս մասին ասվում է Նախագահի ուղերձում, հայտնում է նախագահի մամուլի ծառայությունը:

Մարտի 31-ին Արցախում անց են կանցվել նախագահական և խորհրդարանական ընտրություններ: Նախագահական ընտրությունների արդյունքում թեկնածուներից ոչ մեկին չհաջողվեց հավաքել հաղթել համար անհրաժեշտ 50 + 1 ձայնը, այդ պատճառով ապրիլի 14-ին կկայանա երկրորդ փուլը, որին կմասնակցեն առավելագույն թվով ձայներ ստացած երկու թեկնածուները ՝ Արայիկ Հարությունյանը (49,6%) և Մասիս Մայիլյանը (26,4%): 

«Վստահ եմ, որ մեր ժողովրդի իմաստնության, կարգապահության եւ բարձր քաղաքացիական պատասխանատվության շնորհիվ կկարողանանք հաղթահարել բոլոր դժվարությունները, արդյունավետորեն լուծել ծագող խնդիրները եւ, միաժամանակ, օրենքով սահմանված կարգով անցկացնել մեր երկրի համար այս կարեւորագույն համապետական միջոցառումը, ինչպիսինն է Արցախի Հանրապետության նախագահի ընտրությունը՝ ձեռնարկելով անհրաժեշտ միջոցներ բնակչության առողջության պահպանման ուղղությամբ»,- ասվում է նախագահի ուղերձում։ 

Նա նշել է, որ ընտրությունների անցկացման օրը բոլոր ընտրատեղամասերում կձեռնարկվեն առողջապահական և սանիտարահիգիենիկ խստագույն միջոցներ: 

«Պետք է անենք հնարավորը, որպեսզի կանխարգելենք և չեզոքացնենք բոլոր բացասական հետեւանքները:Մենք կանենք մեզնից կախված ամեն ինչ, որպեսզի ամենայն պատասխանատվությամբ անցնենք այս կարեւորագույն շրջանը ևս»,- ասվում է նախագահի ուղերձում։ 

Ապրիլի 10-ի դրությամբ, Արցախում կորոնավիրուսով վարակվածների թիվը հասել է հինգի, 14-ը՝ ինքնամեկուսացված են: COVID-19 վարակի առաջին դեպքը հայտնի է դարձել ապրիլի 7-ին: -0-