Վայոց Ձորի ջրվեժներից մեկում քաղաքացի է խեղդվել. նա ջուրն է նետվել 4 մետր բարձրությունից
ԵՐԵՎԱՆ, 20 հուլիսի․/Նովոստի-Արմենիա/․ Հուլիսի 19-ին ողբերգական դեպք է տեղի ունեցել Վայոց Ձորի Գողթանիկ գյուղում։
Ինչպես հայտնում է ՆԳՆ Փրկարար ծառայությունը, ժամը 15։55-ին, Վայոց Ձորի մարզային օպերատիվ կառավարման կենտրոն ահազանգ է ստացվել, որ Գողթանիկ գյուղի ջրվեժում քաղաքացի է խեղդվում:
«Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի ջրասուզակը»,-հայտնել է ՓԾ-ն։
Ըստ տրամադրած տեղեկատվության, պարզվել է, որ քաղաքացին մոտ 4 մ բարձրությունից նետվել է ջուրը և խեղդվել։
Որոնողական աշխատանքների արդյունքում ջրասուզակը մոտ 6 մ խորությունից դուրս է բերել քաղաքացու դին։
Փրկարարները սահմանազատել են տարածքը և դին մոտեցրել դի տեղափոխող ավտոմեքենային:
