ԵՐԵՎԱՆ, 18 ապրիլի. /Նովոստի-Արմենիա/. Հինգշաբթի ինքնասպանության դեպք է տեղի ունեցել Երևանում։
ԶԼՄ–ների հաղորդմամբ, Ժամը 13։40-ի սահմաններում արտակարգ իրավիճակների նախարարության փրկարար ծառայության 9-11 և ոստիկանության Երևան քաղաքի վարչության օպերատիվ կառավարման կենտրոններ ահազանգ է ստացվել, որ Արտաշատի խճուղու՝ «Սպայկա» ընկերության դիմաց գտնվող գերեզմատանը տղամարդու դի կա։
Անմիջապես դեպքի վայր է մեկնել քննչական-օպերատիվ խումբը և նշված գերեզմանատանը հայտնաբերել տղամարդու դի՝ կաշենման գոտիով ծառից կախված վիճակում:
Հայաստանի քննչական կոմիտեի մամուլի ծառայությունը հայտնում է, որ քաղաքացու ինքնասպանության վերաբերյալ հաղորդումը տվել է մահացածի եղբայրը։
Загружается новость ...
"Право"
ՀՀ քննչական կոմիտեի ԵՔՔՎ Շենգավիթ վարչական շրջանի քննչական բաժնում քննություն է տարվում՝ 1983թ. ծնված տղամարդու մահվան հանգամանքները պարզելու ուղղությամբ:
Պարզվել է, որ տղամարդը Նորագավթի բնակիչ է։
Ինչպես հայտնում են ԶԼՄ–ները և «Նովոստի–Արմենիա» գործակալության աղբյուրը, մահացածը 1983 թվականի ծնված Գևորգ Այվազյանն էր, ով աշխատում էր «Սպայկա» ընկերության Արտաշատի ջերմոցային համալիրի անվտանգության պատասխանատու։
Փաստի առթիվ ԵՔՔՎ Շենգավիթ վարչական շրջանի քննչական բաժնում հարուցվել է քրեական գործ՝ ՀՀ քրեական օրենսգրքի 110-րդ հոդվածի 1-ին մասով (Ինքնասպանության հասցնելը)
Քրեական գործով էական նշանակություն ունեցող հանգամանքներ պարզելու համար նշանակվել է դիակի դատաբժշկական փորձաքննություն:
Կատարվում է նախաքննություն: -0-
