440 մետր համեղություն․ Լոնդոնում իտալացի խոհարարները 440,6 մետր երկարությամբ տիրամիսու են պատրաստել՝ սահմանելով Գինեսի ռեկորդ (ՎԻԴԵՈ)
28.04.2026,
11:01
Ռեկորդային տիրամիսուի համար օգտագործվել է 50 000 սավոյարդի թխվածքաբլիթ և ավելի քան 3 000 ձու․ ՎԻԴԵՈ
ԵՐԵՎԱՆ, 28 ապրիլի․/Նովոստի–Արմենիա/․ Աշխարհի ամենաերկար տիրամիսուի ռեկորդը գերազանցվել է Լոնդոնում, գրում է BBC-ն։ Աղանդերի երկարությունը կազմել է 440,6 մետր (1 445 ֆուտ)։
Հարյուր իտալացի խոհարարներ շաբաթ և կիրակի օրերին հավաքվել են Chelsea Town Hall-ում՝ պատրաստելու տիրամիսուն և գերազանցելու նախորդ ռեկորդը, որը սահմանվել էր միլանյան Galbani ընկերության կողմից Միլանում և կազմում էր 273,5 մետր (897 ֆուտ)։
Գինեսի համաշխարհային ռեկորդների կանոնների համաձայն՝ ռեկորդային տիրամիսուն պատրաստվել և հավաքվել է անմիջապես տեղում, ընդ որում՝ օգտագործվել է 50 000 սավոյարդի թխվածքաբլիթ և ավելի քան 3 000 ձու։
Պատճենել հղումը
