Երեքշաբթի` մայիսի 17–ի առավել ուշագրավ նորությունները
08:00
18 Մայիսի 2016
ԵՐԵՎԱՆ, 18 մայիսի. /Նովոստի–Արմենիա/. «Նովոստի–Արմենիա» գործակալությունը ներկայացնում է երեքշաբթի` մայիսի 17–ի առավել ուշագրավ նորությունների սեփական տարբերակը։
Մայիսի 16–ի երեկոյան Վիեննայում տեղի ունեցավ Սերժ Սարգսյանի և Իլհամ Ալիևի հանդիպումը, որին մասնակցում էին նաև ԵԱՀԿ ՄԽ համանախագահները և համանախագահող երկրների արտգործնախարարները։ Այս հանդիպման կապակցությամբ ՀՀ նախագահը, մասնավորապես, նշել է, որ հայկական պատվիրակությունը մեկնել էր Վիեննա` պարզելու համար, թե կա, արդյո՞ք, ղարաբաղյան խնդրի լուծման համար այլ ելք, քան պատերազմը։ Նախագահը նաև ավելացրել է, որ պատերազմը կարող է արդարացված լինել միայն այն դեպքում, երբ այլ ելք չկա: Վիեննայում կայացած Սարգսյան–Ալիև հանդիպման կապակցությամբ կազմակերպվել է Երևան–Բաքու տեսակամուրջը, որի շրջանակում հայ և ադրբեջանցի փորձագետներն իրենց կարծիքն են հայտնել հանդիպման արդյունքների մասին։
Արցախի պաշտպանության բանակի հարավային ուղղությամբ տեղակայված ՊԲ դիրքերից մեկում մայիսի 17-ին` ժամը 00:50-ի սահմաններում, հրազենային մահացու վիրավորում է ստացել ժամկետային զինծառայող, 1996թ. ծնված Խաչատուր Վարդանի Հարությունյանը։
Հայաստանի քունգ ֆուի ֆեդերացիան Լվովում գրանցված միջադեպից հետո պահանջում է հեռացնել Ադրբեջանին միջազգային մրցումներից։
Երեքշաբթի Երևանում տեղի է ունեցել Խուլերի շախմատի աշխարհի անհատական առաջնության բացումը, որին ներկա են գտնվել ՀՀ նախագահ Սերժ Սարգսյանը և ՖԻԴԵ-ի նախագահ Կիրսան Իլյումժինովը:-0-
Սահմանապահ ուղեկալներից մեկի մշտական տեղակայման վայրում հայտնաբերվել է պարտադիր ժամկետային զինծառայող Արտուշ Գևորգյանի դին՝ մահացու հրազենային վիրավորումով
