ԵՐԵՎԱՆ, 25 նոյեմբերի. /Նովոստի–Արմենիա/. ՀՖՖ նախագահ Ռուբեն Հայրապետյանը չորեքշաբթի առաջատար ԶԼՄ–ների ներկայացուցիչների հետ ոչ ֆորմալ հանդիպման ժամանակ նշեց, որ շուտով կհրապարակվի Հայաստանի ֆուտբոլի հավաքականի նոր գլխավոր մարզչի անունը։
«Շուտով մենք կունենանք նոր մարզիչ։ Սարգիս Հովսեփյանը եղել է թիմի մարզչի ժամանակավոր պաշտոնակատար, նրա պայմանագրի ժամկետը լրանում է», – ասաց Հայրապետյանը։
Պատասխանելով լրագրողների այն հարցին, թե նոր մարզիչը լինելու է տեղացի մասնագետ, թե օտարերկրացի` Հայրապետյանը նշեց, որ դեռ հստակ չի կարող ասել։
«Սակայն ես հակված եմ մտածելու, որ հավաքականը պետք է մարզի միմիայն տեղացի մասնագետը, քանի որ կյանքի փորձը ցույց է տվել, որ եվրոպական մտածելակերպ ունեցող օտարերկրացու նշանակումից հետո հավաքականում խախտվում է ողջ ներքին կարգապահությունը», – նշեց Հայրապետյանը։ –0–
Ծանոթացեք լուրերին առաջինն ու քննարկեք դրանք մեր Telegram-յան ալիքում
