Մոտ 5000 քմ տարածքում այրվում է շինարարական աղբ. հրդեհը մեկուսացվել է (ՖՈՏՈ)
03.08.2026,
11:26
Հրդեհը մեկուսացվել է օգոստոսի 3-ին՝ ժամը 06։26-ին
ԵՐԵՎԱՆ, 3 օգոստոսի. /Նովոստի-Արմենիա/. Այրվում է շինարարական աղբ․ հրշեջ-փրկարարաներին հաջողվել է մեկուսացնել հրդեհը, հայտնում են ՆԳՆ փրկարար ծառայությունից։
«Օգոստոսի 2-ին՝ ժամը 22։10-ին, Արարատի մարզային օպերատիվ կառավարման կենտրոն ահազանգ է ստացվել, որ հրդեհ է բռնկվել Գետափնյա-Ղուկասավան բնակավայրերի միջակայքում գտնվող աղբավայրում», - նշված է հաղորդագրության մեջ։
Դեպքի վայր են մեկնել ՆԳՆ ՓԾ Երևան քաղաքի և մարզային փրկարարական վարչությունների հրշեջ-փրկարարական ջոկատներից չորս մարտական հաշվարկ և Երևան քաղաքի փրկարարական վարչության Հրդեհաշիջման և փրկարարական աշխատանքների կազմակերպման բաժնի հերթապահ խումբը։
Հրդեհը մեկուսացվել է օգոստոսի 3-ին՝ ժամը 06։26-ին։ Մոտ 5000 քմ տարածքում այրվում է շինարարական աղբ։
Պատճենել հղումը
