Մաուրինյո. Մխիթարյանն արտակարգ ֆուտբոլիստ է

ԵՐԵՎԱՆ, 6 հուլիսի. /Նովոստի-Արմենիա/. «Մանչեսթեր Յունայթեդի» գլխավոր մարզիչ Ժոզե Մաուրինյոն, ակումբի պաշտոնական հեռուստաալիքին տված հարցազրույցում, մեկնաբանել է Հայաստանի հավաքականի կիսապաշտպան Հենրիխ Մխիթարյանի տեղափոխումը «կարմիր սատանաների» շարքեր:

«Մենք ձեռք ենք բերել ֆրանսաիակն լիգայում լավագույնը ճանաչված ֆուտբոլիստին (Զլատան Իբրահիմովիչ) և Բունդեսլիգայի ներկայացուցիչների կողմից մրցաշրջանի լավագույնը ճանաչված խաղացողին: Ոչ թե երկրպագուների կամ լրագրողների, այլ գործընկերների` ֆուտբոլիստների վարկածով: Երբ քեզ լավագույնն են ճանաչում խաղացողները, դա շատ բանի մասին է խոսում: Միկին արտակարգ ֆուտբոլիստ է: Ինձ ամենաշատը նրա մեջ դուր է գալիս, և դա անհերքելի է, խփած գոլերի քանակը, որոնք նա հեղինակել է՝ չլինելով հարձակվող», - ասել է Մաուրինյոն:

Նրա խոսքով, Մխիթարյանի կողմից կատարած գոլային փոխանցումների թիվը ցույց են տալիս նրա կրեատիվությունը, խաղի վարումը և թիմային ֆուտբոլի ընկալումը, և դա շատ կարևոր է այնպիսի ակումբի համար, ինչպիսին է «Մանչեսթեր Յունայթեդը»:

«Մենք փորձելու ենք գերիշխել հանդիպումների ժամանակ, և ես վստահ եմ, որ հանդիպելու ենք այնպիսի թիմերի, որոնք խիստ պաշտպանողական ֆուտբոլ են խաղում: Այդ պահերին Հենրիխը կարող է արագացնել հանդիպման տեմպը: Նա կարող է փոխել իր արագությունը` անկախ նրանից գնդակով է, թե ոչ: Դա նույնպես շատ կարևոր է մեզ համար», - ասել է Մաուրինյոն` armsport.am-ի հաղորդմամբ: -0-