ԵՐԵՎԱՆ, 28 մայիսի․ /Նովոստի-Արմենիա/․ Վրացական իշխանությունների հետ բանակցությունների արդյունքում հնարավոր է դարձել Վերին Լարսի ռուսական հատվածում օրեր շարունակ գտնվող և նաև Ռոստովում ՀՀ գլխավոր հյուպատոսությունում հերթագրված ՀՀ 71 քաղաքացիների՝ Վրաստանի տարածքով միջանցքի տրամադրումը և նրանց՝ Հայաստան տեղափոխումը: Այս մասին ասվում է Վրաստանում ՀՀ դեսպանության Facebook-յան էջում։
«Վրաստանում ՀՀ դեսպանությունը համակարգել է Վրաստանի տարածքում ՀՀ քաղաքացիների դիմավորման և մինչև Բագրատաշենի անցակետ տեղափոխման աշխատանքները, նրանց տրամադրել է ուտելիք և առաջին անհրաժեշտության պարագաներ, ինչպես նաև ապահովել է Վրաստանի տարածքում ՀՀ քաղաքացիների մեկանգամյա կանգառի ախտահանման աշխատանքները»,- ասվում է հաղորդագորության մեջ։
Նշվում է, որ այս տեղափոխումը կատարվել է բացառության կարգով։-0-