Որքան ժամանակ կարող է պահանջվել կորոնավիրուսից ապաքինվելու համար

ԵՐԵՎԱՆ, 11 մարտի./Նովոստի-Արմենիա/. Մի քանի շաբաթ կարող է պահանջվել կորոնավիրուսից լիարժեք ապաքինման համար: Այս մասին հայտնել է Առողջապահության համաշխարհային կազմակերպության (ԱՀԿ) արտակարգ իրավիճակների հարցերով գործադիր տնօրեն Մայք Ռայանը երկուշաբթի կայացած ճեպազրույցի ժամանակ, հաղորդում է CNN-ը:

«Պահանջվում է մինչև 6 շաբաթ այս հիվանդությունից ապաքինվելու համար: Շատ ծանր վիճակում գտնվող մարդիկ, հնարավոր է, հիվանդությունից ապաքինվեն ամիսներ շարունակ»,- ասել է Ռայանը:

Ռայանը հավելել է, որ ապաքինումը հաճախ որոշվում է երկու գործոններով. երբ հիվանդի մոտ բացակայում են հիվանդությնա ախտանիշները և վիրուսի երկու հաջորդող թեստերը բացասական պատասխան են ցույց տալիս, բայց որոշ երկրներ տարբեր կերպ են դատողություններ անում «ապաքինման» մասին:

Մինչ օրս չկա կորոնավիրուսի բուժման հատուկ դեղամիջոց, բայց վարակվածները, ԱՀԿ-ի համաձայն, կարող են ապաքինվել համապատասխան ախտանշական բուժման դեպքում, իսկ հիվանդություն ծանր տեսակն ունեցողները պետք է ստանան օպտիմալացված օժանդակ բուժօգնություն: 

-0-