ԵՐԵՎԱՆ, 6 ապրիլի․ /Նովոստի-Արմենիա/․ COVID-19 կորոնավիրուսը կարող է պահպանվել թանզիվե դիմակների վրա մինչև մեկ շաբաթ, հայտնել է Հոնկոնգյան համալսարանի և ամերիկյան Ալերգիայի և ինֆեկցիոն հիվանդությունների ազգային ինստիտուտի փորձագետների խումբը։ Այս մասին հաղորդում է « Ինտերֆաքս» -ը՝ հղում անելով South China Morning Post- ին:
Նրանք հետազոտել են վիրուսի «գոյատևումը» տարբեր մակերեսների վրա: Ավելի վաղ հետազոտության արդյունքների վերաբերյալ փորձագիտական զեկույցը հրապարակվել էր The Lancet մասնագիտացված ամսագրում: Ուսումնասիրություններն իրականացվել են լաբորատոր պայմաններում սենյակային ջերմաստիճանում տարբեր մակերեսների վրա:
Տպագրական և ծխախոտային թղթի վրա այն մնացել է երեք ժամից քիչ, իսկ մշակված փայտի և գործվածքների`սովորական բամբակյա լաբորատոր բաճկոնի վրայից այն արդեն երկրորդ օրը անհետացել է:
Загружается новость ...
"Право"
Ապակու և թղթադրամների վրա վիրուսը երկրորդ օրը դեռ տեսանելի է եղել, բայց ամբողջությամբ անհետացել է միայն չորրորդը, մինչդեռ չժանգոտվող պողպատի և պլաստիկի վրա այն առկա է եղել չորսից յոթ օրվա ընթացքում:
Փորձագետները նաև պարզել են, որ հասարակ կենցաղային սանիտարական միջոցները, ներառյալ սպիտակեցնող միջոցները, արդյունավետ են գտնվել վիրուսը սպանելու գործում: Այնուամենայնիվ, ձեռքի լվացումը և ախտահանումը շարունակում է մնալ վարակվածությունից խուսափելու ամենահեշտ և հուսալի միջոցներից մեկը:
«Եթե ցանկանում եք պաշտպանվել, պարզապես հետևեք հիգիենային, հնարավորինս հաճախ լվացեք ձեր ձեռքերը և փորձեք չդիպչել ձեր դեմքին, աչքերին, բերանին կամ քթին՝ առանց ձեռքերը նախօրոք ախտահանելու», - ասվում է զեկույցում: -0-