Որքա՞ն ժամանակ է COVID-19-ը «գոյատևում» տարբեր մակերեսների վրա․ հայտնում են փորձագետները․ «Ինտերֆաքս»

ԵՐԵՎԱՆ, 6 ապրիլի․ /Նովոստի-Արմենիա/․ COVID-19 կորոնավիրուսը կարող է պահպանվել թանզիվե դիմակների վրա մինչև մեկ շաբաթ, հայտնել է Հոնկոնգյան համալսարանի և ամերիկյան Ալերգիայի և ինֆեկցիոն հիվանդությունների ազգային ինստիտուտի փորձագետների խումբը։ Այս մասին հաղորդում է « Ինտերֆաքս» -ը՝ հղում անելով South China Morning Post- ին:

Նրանք հետազոտել են վիրուսի «գոյատևումը» տարբեր մակերեսների վրա: Ավելի վաղ հետազոտության արդյունքների վերաբերյալ փորձագիտական ​​զեկույցը հրապարակվել էր The Lancet մասնագիտացված ամսագրում:  Ուսումնասիրություններն իրականացվել են լաբորատոր պայմաններում սենյակային ջերմաստիճանում տարբեր մակերեսների վրա:

Տպագրական և ծխախոտային թղթի վրա այն մնացել է երեք ժամից քիչ, իսկ մշակված փայտի և գործվածքների`սովորական բամբակյա լաբորատոր բաճկոնի վրայից այն արդեն երկրորդ օրը անհետացել է:

 «Եթե ցանկանում եք պաշտպանվել, պարզապես հետևեք հիգիենային, հնարավորինս հաճախ լվացեք ձեր ձեռքերը և փորձեք չդիպչել ձեր դեմքին, աչքերին, բերանին կամ քթին՝ առանց ձեռքերը նախօրոք ախտահանելու», - ասվում է զեկույցում: -0-