Թորոսյանը խոսել է ԱՆ-ի աշխատակիցների մոտ հաստատված կորոնավիրուսի դեպքի մասին (ՎԻԴԵՈ)

ԵՐԵՎԱՆ, 15 մայիսի․ /Նովոստի-Արմենիա/․ Կան աշխատակիցներ, որոնց մոտ հաստատվել է կորոնավիրուսային վարակը, և նաև այդ աշխատակիցների հետ ավելի սերտ շփված աշխատակիցներ, Facebook-յան ուղիղ եթերի ժամանակ հայտնեց առողջապահության նախարար Արսեն Թորոսյանը` խոսելով նախարարությունում աշխատակիցների մոտ հաստատված կորոնավիրուսով վարակման դեպքի մասին:

«Թեստավորումները ցույց են տվել, որ դեռևս այդպիսի մեծ բռնկում չկա, բայց ամեն դեպքում մենք` սերտ շփում ունեցածներս, պետք է ավելի զգուշավոր վարքագիծ դրսևորենք, ինքնամեկուսանանք, նվազագույնի հասցնենք շփումները: Նրանցից մեկն եմ նաև ես, ռիսկի գոտում եմ, պարտավորվում եմ հիմա ուրիշներին պաշտպանել, եթե հանկարծ վաղն ինձ մոտ արձանագրվի կորոնավիրուսային վարակ»,- հայտնեց նախարարը` նշելով, որ շարունակում է աշխատել հեռավար` զրոյի հասցնելով որևէ մեկին տեսնելը:

Նախարարը կոչ արեց «մեծ պատմություն չդարձնել», երբ հանրությանը քիչ թե շատ հայտնի անձինք վարակվում են ինչ-որ հիվանդությամբ, հարգել մարդկանց բժշկակն գաղտնիքի իրավունքը, ինչպես նաև անուններ չպահաջել , որովհոտև, միևնույն է, իրենք ոչ մի անուն չեն նշելու։

Հիշեցնենք, որ այսօր ավելի վաղ Արսեն Թորոսյանն հայտնել էր, որ կորոնավիրուսի իր թեստի պատասխանը բացասական է:-0-