Ռուսաստանում կորոնավիրուսի պատվաստանյութի երեք նախատիպ հաջողությամբ փորձարկվել է

ԵՐԵՎԱՆ, 30 հունիսի․ /Նովոստի-Արմենիա/․ COVID-19 պատվաստանյութի երեք նախատիպերը հաջողությամբ փորձարկվել են կորոնավիրուսին իմունային պատասխան ձևավորելու ունակության համար: Այս մասին «РИА Новости»- ին տված հարցազրույցում հայտնել է «Վեկտոր» վիրուսաբանության և բիոտեխնոլոգիայի գիտական ​​կենտրոնի գլխավոր տնօրեն Ռինատ Մակսյուտովը, գրում է «Վեդոմոստին»:

Ըստ նրա ՝ «սրանք ամենաառաջադեմ դեղամիջոցներն են ձեռք բերված արդյունքների առումով»: Մակսյուտովը նշել է, որ ամենամեծ դժվարությունը անվտանգ դեղամիջոց ստեղծելն է, որը կկարողանա պաշտպանություն ձևավորել հիվանդության դեմ նրանց մոտ, ովքեր պատվաստվելու են: Ըստ «Վեկտորի» գլխավոր տնօրենի` կենտրոնում նոր սերնդի պատվաստանյութի վրա աշխատում է ավելի քան 100 աշխատակից՝ միանգամից մի քանի խմբում: 

Ավելի վաղ փոխվարչապետ Տատյանա Գոլիկովան «Վեկտոր» կենտրոնը անվանել էր կորոնավիրուսի դեմ պատվաստանյութ ստեղծելու առաջատարներից մեկը: Մայիսի վերջին Մակսյուտովը ՏԱՍՍ-ին տված հարցազրույցում ասել է, որ գիտնականներն ընտրել են առավել հեռանկարային երեք դեղամիջոցները՝ փորձարկելով պատվաստանյութի 25 տարբերակ՝ զգայուն կենդանիների վրա: Երեք տարբերակ «ընտրվել է որպես առավելագույն արդյունավետություն ցույց տված, ինչպես նաև հաշվի առնելով դրանց լայնածավալ արտադրության արտադրողականությունը»: Մարդկանց վրա կլինիկական հետազոտությունների սկսման ամսաթիվը «Վեկտորի» տնօրենն յան ժամանակ նշել էր հունիսի 29-ը: Նա հայտնել է, որ պատվաստանյութերի զանգվածային արտադրության նախապատրաստական ​​աշխատանքներն արդեն ընթանում են: Պատվաստանյութերի գրանցումը նախատեսված է սեպտեմբերին: Ըստ «Վեկտորի» գլխավոր տնօրենի, բնակչության պատվաստումները կսկսվեն հնարավորինս շուտ` դրա գրանցումից հետո:-0-