Ռուսական պատվաստանյութը կամավորների մոտ կորոնավիրուսի դեմ իմունիտետ է ձևավորել

ԵՐԵՎԱՆ, 10 հուլիսի./Նովոստի-Արմենիա/. Իմունիտետ է ձևավորվել կամավորների մոտ, ովքեր իրենց վրա են փորձարկում կորոնավիրուսի պատվաստանյութը, հաղորդում է ՌԴ Պաշտպանության նախարարությունը: Գերատեսչությունը Ն.Ֆ. Գամալեայի անվան համաճարակաբանության և միկրոկենսաբանության ազգային հետազոտական կենտրոնի հետ համատեղ գործարկել է կլինիկական փորձարկումների վերջնական փուլը:

«Մասնագետների ստացած տվյալները վկայում են առաջին և երկրորդ խմբի կամավորների մոտ իմունային արձագանքի ձևավորման մասին COVID-19 կորոնավիրուսի պատվաստանյութի ներարկմանը: Ներկա պահին բոլոր կամավորների առողջական վիճակը լավ է, ինքնազգացողությունից, բացասական ազդեցություններից կամ այլ անցանկալի երևույթներից բողոքներ չեն նշվում»,- հաղորդվում է գերատեսչության հաղորդագրության մեջ, որը ստացվել է «Ъ»-ում:

Հուլիսի 15-ին ավարտվում է կամավորների առաջին խմբի գտնվելու ժամկետը հոսպիտալում, ում միջոցով ստուգվում էր պատվաստանյութի անվտանգությունն ու տանելիությունը: Նրանց դուրս կգրեն ռազմական հոսպիտալից և կվերադարձնեն մշտական տեղակայման վայրեր: Հուլիսի 13-ին կամավորների 2-րդ խմբին կներարկեն կորոնավիրուսի պատվաստանյութի երկրորդ բաղադրիչը:

«Պաստվաստանյութի բուստերային սխեման, որը նախատեսված է կամավորների երկրորդ խմբի համար, թույլ է տալիս ամրապնդել իմունիտետը և ապահովել դրա շարունակականության մեծացումը»,- նշվում է հաղորդագրության մեջ:

Հուլիսի 9-ին ՌԴ առողջապահության նախարա Միխայիլ Մուրաշկոն հայտնել է, որ Ռուսաստանում 3-4 պատվաստանյութ կարող է հասնել արդյունաբերական արտադրության: Ընդհանուր առմամբ, հետազոտություններ են տարվում 17 հեռանկարային մշակումների շուրջ: Նախարարի խոսքով, Ռուսաստանում պատվաստումը կամավոր սկզբունքով է լինելու: -0-