Ռիո դե Ժանեյրոյում Քրիստոսի արձանը «շնորհակալություն է հայտնել» բժիշկներին տարբեր լեզուներով (ՖՈՏՈ)
![Ռիո դե Ժանեյրոյում Քրիստոսի արձանը «շնորհակալություն է հայտնել» բժիշկներին տարբեր լեզուներով (ՖՈՏՈ) Ռիո դե Ժանեյրոյում Քրիստոսի արձանը «շնորհակալություն է հայտնել» բժիշկներին տարբեր լեզուներով (ՖՈՏՈ)](/upload/iblock/12a/o7swfjk9lbvvoe5l948bhufuoqfwqkrp.jpg)
ԵՐԵՎԱՆ, 13 ապրիլի./Նովոստի-Արմենիա/. Ռիո դե Ժանեյրոյում Կորկովադու լեռան գագաթին գտնվող Հիսուս Ամենափրկչի արձանի մոտ անցկացվել է զատկական ծառայություն, որը կորոնավիրուսի համավարակով պայմանավորված այս անգամ փակ էր, հաղորդում է news.mail.ru-ն:
Ծառայությանը ներկա էին միայն հոգևորականության մի քանի անդամ և ԶԼՄ-ի սահմանափակ թվով ներկայացուցիչներ:
Աղոթքի ժամանակ արձանի վրա պատկերել են բժշկի հագուստ, այնպես որ Հիսուսը նմանվել է բժշկի: Նույնպես արձանի վրա հայտնվել է «շնորհակալություն» բառը տարբեր լեզուներով:
Բացի այդ, Քրիստոսի արձանի վրա հատուկ ցուցադրել են տեսանյութ՝ բրազիլացի բժիշկների մասնակցությամբ, ովքեր իրենց ձեռքում պահում են թերթիկներ՝ «Մենք կմնանք այստեղ հանուն ձեզ, դուք մնացեք տանը հանուն մեզ» գրառմամբ: Այդ արտահայտությունը մարտին դարձել է միջազգային բժշկական ֆլեշմոբ, որի շրջանակում ողջ աշխարհով մեկ բուժաշխատողները խնդրում էին մարդկանց պահպանել ինքնամեկուսացումը: -0-